موقع الشيخ بن باز


 

  لتحميل حلقة الرقية الشرعية للشيخ أبو البراء اضغط هنا


ruqya

Icon36 صفحة المرئيات الخاصة بموقع الرقية الشرعية

الموقع الرسمي للشيخ خالد الحبشي | العلاج بالرقية الشرعية من الكتاب والسنة

سيتم فتح ساحات الأسئلة والحالات الخاصة أمام مشاركات الأعضاء في أيام السبت والاثنين والاربعاء من الساعة 7 - 10 مساء بتوقيت مكة المكرمة >><< تم فتح قسم الحجامة والطب البديل والعلاج بالأعشاب بشكل دائم .

 
العودة   منتدى الرقية الشرعية > الساحات العامة والقصص الواقعية > ساحة الموضوعات المتنوعة

الملاحظات

صفحة الرقية الشرعية على الفيس بوك

إضافة رد
 
 
أدوات الموضوع
New Page 2
 
 

قديم 27-12-2014, 03:57 AM   #1
معلومات العضو
اخت المحبه
مشرفة عامة ومشرفة ساحة الأخوات و العلاقات الأسرية

I11 قصة زوج وزوجة (( بين الحقيقة والخيال ))

بعد 20عشرين سنة من الجواز الزوج


زهق من المشاكل ..

وفى الاخر اخد قراره ..


رجع من شغله ..


فتحت الباب مراته وقالت له احضر لك الغدا

قال لها .. لأ .. انا عايز اقولك على حاجة
متهيألى انا عملت كل اللى عليا
طول السنين اللى فاتت



بس انا مش قادر استحمل زيادة
وخايف انى اخسر اكتر من اللى خسرته
عشان كدة انا قررت انى ابعد ..
مش هينفع اكمل حياتى معاكى
الولاد كبروا ..
وتقدروا تعتمدوا على نفسكم من غيرى
وانا كدة كدة هاسيب لكم اللى يكفيكم ..

كانت قاعدة قدامه متماسكة كعادتها ..
مافكرتش تدافع عن نفسها ..
رغم انها عارفة انه بيقابل واحدة تانية ..
كل اللى قالته له ..



محتاجة منك شهر واحد


قال لها .. وايه اللى هيحصل فى الشهر ده
قالت له .. دا اخر طلب ..
اعتبره مكافأة نهاية الخدمة

سكت شوية ..
وف الاخر قال لها .. شهر واحد مش اكتر

بكل كسرة قالت له .. ربنا يخليك
بس انا عايزاك فى الشهر ده .. كل يوم تتغدى معانا
وبعد الغدا .. تشيلنى لحد الأوضة
قال لها .. ايه الكلام الغريب ده



قالت له ..
دى اول مرة اطلب منك طلب .. ارجوك اقبل

بكل تغصب قال لها .. موافق ..
وف سره بيقول .. اهو شهر يعدى بالطول ولا بالعرض
وبعدها هابقى بحريتى

تانى يوم رجع فى ميعاد الغدا .. وقعد على السفرة
بص لولاده وهم بيحطوا الاطباق ..
ومامتهم فى المطبخ
لقاهم منظمين جداً .. نضاف جداً ..
بيحطوا له الاكل بمنتهى الأدب ..
قعد ياكل وهو بيراقبهم بعينيه ..
بقاله كتير ما أكلش معاهم



لقاهم بيتكلموا مع مامتهم فى حياتهم وظروفهم
وهى بكل حكمة بترد عليهم

خلّصوا الاكل .. والولاد دخلوا اوضتهم
فضل قاعد مستنى الأم عشان يشيلها لحد الاوضة
مر حوالى ساعة وهى واقفة بتنضف المطبخ بعد الغدا
وجات له .. قام لف ايديه حواليها وشالها
فى الاول كان مستغرب .. ومتضايق ..



وصلها الاوضة .. وخرج علطول ..
عشان يرتب حاله عشان يخرج

تانى يوم .. اتكررت نفس الاحداث ..
كان متخيل انه هيتعب من شيل مراته



بس اخد باله .. لأول مرة
انها خست جداً وبقت هزيلة .. بس لسة جميلة
تالت يوم وهو شايلها ..
بص على شعرها من غير ما تاخد بالها
لقاه مليان خصلات بيضا ..
كان فى الاول بيرجع البيت وهو متضايق ..
بس بعد اسبوع .. بقى يستنى ميعاد رجوعه ..
عشان يطمن على ولاده



مر حوالى نص الشهر ..
وكالعادة بعد ما شال مراته لحد الأوضة ..
لقى نفسه مش عايز يخرج ..
جاب كتاب .. وقعد يقرا فيه جنبها
بس اخد باله .. ان مراته اخدت دوا



قال لها ايه دا ..
ودى كانت اول مرة يتكلم معاها من بعد الاتفاق
قالت له .. ابداً .. دا مسكّن .. مصدّعة شوية
كمّل قراية .. واعتذر عن الخروج فى اليوم ده
بعدها بيومين .. وهو شايل مراته كالعادة



لقاها لفت ايديها حوالين رقبته ..
ولأول مرة .. مايبقاش متضايق او عايز الوقت يعدّى

عدّوا كمان 10 ايام ..
لقى نفسه بيرفع سماعة التليفون ..
الو .. انا اسف مش هينفع نتقابل تانى ..
انا لازم اكون موجود فى البيت كل يوم ..



اليوم اللى بعدها ..


اخد اجازة لأنه كان نفسه يقضى يوم فى البيت



جه جواب بإسم مراته ..


دفعه الفضول انه يفتحه ..


لقاه طلب عاجل من المستشفى بالاتصال بيهم للضرورة
اتصل بالمستشفى .. وكانت المفاجأة
يا فندم .. زوجة حضرتك المفروض ترد علينا ..



هتعمل عملية استئصال الورم ولا لأ
الدكتور المعالج قدامه يومين ويسافر
وفرصة نجاح العملية لو حد غيره هو اللى عملها ضئيلة جداً

كان بيسمع الكلام ده .. وشريط بيمر قدام عينيه
يومين ويسافر ؟ .. هم اليومين اللى فاضلين فى المهلة
الدوا ماكانش مسكّن للصداع ..
دا كان مخدّر عشان تقدر تتعايش مع الالم

رد عليهم وقال لهم .. انا بأكد الحجز .. وقفل معاهم
وقام يجرى على مراته .. ودموعه بتجرى قبله

وطّى على ايديها وباسها .. حست بيه وصحيت
قامت من نومها مخضوضة عليه .. مالك .. فيه ايه؟



قال لها ..
خبيتى عليا ليه انك عيانة ..
ازاى تختارى انك تعيشى الشهر المهلة بالطريقة دى ..
بدل ما تختارى انك تتعالجى



قالت له ..
ايه فايدة انى اخف .. وافضل عايشة لوحدى
انت اصلك كنت واحشنى جداً
الشهر اللى عشته معاك .. كان احسن مكافأة نهاية خدمة ليا



قال لها ..
وحياة كل شعرة بيضا ..
طلعت فى راسك جوا بيتى ..
وحياة ولادى اللى ماحسيتش عمرى بتعب فى تربيتهم ..
عشان كنت سايبهم لك ..



وحياة سنين عمرك وشبابك اللى راحوا ..
وانتى ساكتة وعايشة عشان خاطر البيت والولاد ..
وحياة كل حباية مسكّن اخدتيها .. وانا مش حاسس بتعبك

ربنا يمد فى عمرى .. بس عشان اعوضك اللى اخدته منك


خرجوا جرى ع المستشفى ..



خلصوا التحاليل والأشعات المطلوبة


والعملية اتعملت ونجحت ..



بس النجاح الأكبر ..



كان فى حياتهم اللى ابتدت بعد العملية ..
لو بيتك نضيف ..


وولادك متربيين كويس ..


لو هدومك نضيفة ومكوية ..


ودولابك ريحته حلوة ..


لو شراباتك موجودة فى مكانها ..


وكتبك مافيش عليها تراب ..


لو كل حاجة من حاجتك بتدوّر عليها وتلاقيها ..


وبتاكل الاكل اللى نفسك فيه ..


يبقى تأكد .. ان مافيش قوى خفية بتعمل كل ده


اللى بيعمل كدة .. مراتك


يابختك لو لسة عندك فرصة تراجع نفسك ..


يا بختك لو قادر تاخد قرارك .. انك تعيش ابوّتك صح ..


يا بختك لو عرفت تفتح عينك عشان تشوف الحقيقة بوجهة نظر تانية ..


يابختك لو عرفت تعمل كل ده ..


صدقنى هتفرح اكتر ..


هى يمكن تكون مجرد قصة


بس انا واثق ..


إن الكلام ده حقيقى جدااا

منقول للاستفادة

    رد مع اقتباس مشاركة محذوفة
New Page 2
 
 

قديم 29-12-2014, 12:42 PM   #2
معلومات العضو
حكيـــمة
اشراقة ادارة متجددة

افتراضي

جزاك الله خيرا أختنا المحبة و نفع بك

قصة مؤثرة و معبرة و مفيدة جدا

و لكن للأسف مثل هذه القصص في وقتنا هي قصة خيالية
و إن كانت حقيقية عليكِ بذكر المصدر أو صاحبة القصة...

أيضا فيها الحلف بغير الله في أكثر من مرة
( كما تعلمين الحلف بغير الله شرك )

أعتذر منكِ أختي المحبة على هذا التعقيب

بارك الله فيك

    رد مع اقتباس مشاركة محذوفة
New Page 2
 
 

قديم 29-12-2014, 01:42 PM   #3
معلومات العضو
جمالي بحجابي

إحصائية العضو






جمالي بحجابي غير متواجد حالياً

الجنس: female

اسم الدولة algeria

 

 
آخـر مواضيعي
 
0 السلام عليكم اريد ترحيب
0 مشكلة في عضويتي

 

افتراضي رد

قصة رائعة الله يجازيك خير
يارب ثبتنا و نكون زي هذا الاسلوب في التعامل
شكرا

    رد مع اقتباس مشاركة محذوفة
New Page 2
 
 

قديم 30-12-2014, 02:37 AM   #4
معلومات العضو
اخت المحبه
مشرفة عامة ومشرفة ساحة الأخوات و العلاقات الأسرية

افتراضي

اقتباس:
المشاركة الأصلية كتبت بواسطة حكيـــمة
   جزاك الله خيرا أختنا المحبة و نفع بك

قصة مؤثرة و معبرة و مفيدة جدا

و لكن للأسف مثل هذه القصص في وقتنا هي قصة خيالية
و إن كانت حقيقية عليكِ بذكر المصدر أو صاحبة القصة...

أيضا فيها الحلف بغير الله في أكثر من مرة
( كما تعلمين الحلف بغير الله شرك )

أعتذر منكِ أختي المحبة على هذا التعقيب

بارك الله فيك

لما تعتذرين

الحلف يكون فقط لله

انا لم انتبه للحلف ولكن اعجبتنى القصة فحبيت انقلها

وتسلمين على مرورك يالغالية
    رد مع اقتباس مشاركة محذوفة
New Page 2
 
 

قديم 30-12-2014, 02:38 AM   #5
معلومات العضو
اخت المحبه
مشرفة عامة ومشرفة ساحة الأخوات و العلاقات الأسرية

افتراضي

اقتباس:
المشاركة الأصلية كتبت بواسطة جمالي بحجابي
   قصة رائعة الله يجازيك خير
يارب ثبتنا و نكون زي هذا الاسلوب في التعامل
شكرا



اللهم امين يالغالية
    رد مع اقتباس مشاركة محذوفة
New Page 2
 
 

قديم 30-12-2014, 05:32 AM   #6
معلومات العضو
الغردينيا
مراقبة عامة لمنتدى الرقية الشرعية

افتراضي

شكرا أختي الفاضلة أخت المحبة قصة جميلة وأن كانت غير واقعية
ولكن تحمل معاني جميلة
ولكن تمنيت أن تكتبها باللغة العربية بعيدة عن العامية

 

 

 

 


 

توقيع  الغردينيا
 
    رد مع اقتباس مشاركة محذوفة
New Page 2
 
 

قديم 28-02-2015, 03:36 AM   #7
معلومات العضو
اخت المحبه
مشرفة عامة ومشرفة ساحة الأخوات و العلاقات الأسرية

افتراضي

انا اعجبنى المضون القصة

ونقلت القصة كما هي والحمد لله افهم اللغة المصرية

    رد مع اقتباس مشاركة محذوفة
إضافة رد

مواقع النشر (المفضلة)

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


بحث عن:


الساعة الآن 01:08 PM



Powered by vBulletin® Copyright ©2000 - 2019, Jelsoft Enterprises Ltd.