موقع الشيخ بن باز


 

  لتحميل حلقة الرقية الشرعية للشيخ أبو البراء اضغط هنا


ruqya

Icon36 صفحة المرئيات الخاصة بموقع الرقية الشرعية

سيتم فتح ساحات الأسئلة والحالات الخاصة أمام مشاركات الأعضاء في أيام السبت والاثنين والاربعاء من الساعة 7 - 10 مساء بتوقيت مكة المكرمة >><< تم فتح قسم الحجامة والطب البديل والعلاج بالأعشاب بشكل دائم .

 
العودة   منتدى الرقية الشرعية > أقسام المنابر الإسلامية > المنبر الإسلامي العام

الملاحظات

صفحة الرقية الشرعية على الفيس بوك

إضافة رد
 
 
أدوات الموضوع
New Page 2
 
 

قديم 17-04-2018, 05:05 AM   #1
معلومات العضو
اخت المحبه
مشرفة عامة ومشرفة ساحة الأخوات و العلاقات الأسرية

Smile لمن يئست من الفرج

السلام عليكم

لاجل الفائدة ساضع هذا الموضوع في هذا القسم

السلام عليكم ورحمة الله
كل عآم وآنتم بخير وسعآده وفرح ورضي يآآآرب حبيبات قلبي

هالمسآحه خآصه لكل آنسآنه تعسر امرها تتمنى امنيه او تمر بمشكلة كربه وتدعو الله بكل مافيها



وتأخرت استجابتها وخلاااااص بذلت كل الأسباب ولجئت لكل الطرق والأمر اصبح مستحيييييل واشتدت خلاص
ويئست تماما من البشر والاسباب ويئست من الفرج وكل الابواب مغلقه في وجهها وتحس بالم وحرقه مايعلم فيها الا الله وقلبها ماينتظر الا الفرج من الله بس وبمعجزه بعد لأن تحسين ان مافي آمل ملموس قدامك ،،
وصلتي لهالشعور؟
هنا اقولك بس خلاص انتي وصلتي للفرج وببشرك ببشرى عظيمه بإذن الله !
اذا كنتي تمرين بهالشعور فحياكِ الله بجلسة خآصة وحديث للقلوب ،،

تدرين ليه لآني حآسه بتفاصيلك وحاىسه بالمك
وحاسه بالنار اللي بداخلك

بذلتي كل الاسباب والامر كل ماله يتعسر الى مالا نهايه
استغفرتي تصدقتي دعيتي سويتي كل شيئ وتأخرت استجابة دعائك وبنفس الوقت يقينك بالله ان ربي بيستجيب لك


تحاولين مع هالكم من الالم انك تحرصين عليه ان مايهتز وتقرين قصص الناس ودموعك بعينك يارب وانا متى ؟!عارفه هاللحظه اللي خلاص قلبك من شدة المه ويئسه انقطع رجاه من كل البشر ومن كل الاسباب وصارت عيونه بس للسماء ينتظر معجزه من ربي تفجر الفرح في حياته
لصار قلبك كذا ووصلتي لهالمرحله افرحي ايه اااااااااااااااافرحي

تدرين ليه ؟


لان الله الان يريد ان يستجيب لك بعد ماقطع رجاءك من كل البشر وقلبك طهر من التعلق فيهم وبالاسباب
طبيعة الانسان مهما كان يتعلق بالاسباب والمحاولات وينشغل ومهما دعى في شيئ بقلبه فما يكون يقينه كامل بس لمريتي بهالشعور وانقطع املك بكل الخلق وبكل الاسباب بتتعلقين بالله اكبر ويقينك بيكون ااااااااااااااااقوى اااااااااااااااقوى لان خلاص مالك الا الله
بهاللحظه بتدعين بكل عصب منك وقلبك مافيه الا الله فتاتيك الأستجابه من ارحم الراحمين بإذن الله وهذا تفسير لما يقال دائما اذا اشتد الكرب فاعرف انه قرب الفرج مثل الحبل لاشتد مره مصيره ينقطع وكذلك ظلام الليل لاشتد يعني الفجر قرب باذن الله
يعني ياحبيبة قلبي الان لما اشتد كربك ويئستي مايعني ان موضوعك انتهى وربي مابيستجيب لك لاااااااااااااا بالعكس انتي الان خلاص بديتي بالنهاية وقربتي للفرج باذن الله


بهالفتره تتوقعين الشيطان بيتركك لا طبعا بيسوي كل جهوده ويحاول يبعدك ويحبطك وان خلاص ربي مابيستجيب لك وشوفي كل الاسباب سويتيها وماصار شيئ لانه يعرف انك قربتي وفي شيئ خطير لشاف مااستجبتي للوساوس يجيك عن طريق اشخاص يوسوس لهم فيملون هم عليك كلامه بطريقه غير مباشره فتجيك الوالده مثلا اقرب انسانه او صديقتك من باب حبهم لك خلاص يافلانه اتركي هالامر اتعبتي نفسك وووو واكيد فهمتوني



كثير من قصص الفرج واللي مروا بكرب تقول والله كنت بتوقف باخر شيئ وجاني الفرج بوقت ماتوقعته !
ابسئلك يالغاليه هالاسباب اللي بذلتيها ولما ماتحققت يئستي كانت مع من ؟!!
اكيد مع بشر ضعاف عبيد لايملكون لانفسهم نفعا ولا ضرا فكيف لك انتي ؟!!

من هم لجل يقولون ايه او لا ؟؟
ثقي تماما ان امرك وامرهم وقلبك وقلوبهم بيد الله وحده بسسسسسس


اذا ربي انزل امره كن تسخر الكون بمن فيه لتنفيذ امر الله لك
اذا انزل الله امره هل اللي معسر حياتك هذا يقدر يرد امر الله يقدر يمنعه عنك ؟!
لامانع لما اعطاه الله ولا معطي لما منعه الله



بعطيك مثال بسيط


لو فرضنا طالبة زميلتها متسلطه عليها تقول الامتحان صعب وانتي بترسبين وباخذ كتابك ومابخليك تذاكرين وراحت هالطالبه للمعلمه وتبكي وتشرح لها الأمر ورحمتها هالمعلمه وعطتها كتاب تذاكر وسهلت لها الاختبار ونجحت
هل كلام زميلتها وتسلطها ضرها بشيئ ؟!!
هل تقدر تضرها وهي مجرد زميله وبنفس المستوى؟


من اعلى الزميله ولا المعلمه ؟
رسوب البنت ونجاحها بعد الله بيد المعلمه ولا بيد زميله مثلها ؟!!
ولله المثل الاعلى خلي العبيد والبشر كلهم يتوقعون ويقولون اللي يبون خليهم يظلمون ويعقدون الامور مثل مايبون الامر مو بيدهم الامر بيد الله وحده


انتي خليك اذكى تجلسين تتالمين وتبكين على سوايهم

روحي فري الى الله سيدهم والقادر وحده انسي كل محاولتك الماضيه ابي الحين قلبك معلق بالله بس ،،
ابيك بكل عصب منك تلجئين الى الله وبقلبك كاااااااااامل اليقين ان الله بيستجيب لك



شيلي الخيار ان ممكن يستجاب وممكن لا
لااااااااااا ابيك تدعين وانتي متاكده وواثقه ان بيستجاب وان الفرج بيجي من الله بسسسسسسس


تعباااااااااانه خلاااااص وقلبك محروق من القهر والالم
خلاص حبيبة قلبي قربتي لا تتراجعين ارجوك
انتي الان نفس هالصوره


ادري حياتي انك تحسين مخنوقه من الحزن والكرب بس حبيبتي شوفي مكانك بهالصورة اللي فوق صرت خلاص بعنق الكرب بتطلعين خلاص الفرج قررررب
ابيك الان تفكرين مع نفسك وتتخذين اعظم قرار وهو قرار طلوعك من هالكرب ومنتصره واللي تبينه حاااااااااااااااصل باذن الله


كييييييييف ؟


الفرج الكبيييييييييييييييير على الابواب رمضااااااااااااااااااااااان افضل 30 يوم بالسنه والدعاااااااااء فيه مستجاب باذن الله
يمكن بتقوليلي دعيت رمضان الماضي بكل مافيك وتاخرت استجابتك


بقولك اصبري وربك كريم مااخرها عنك الا لحكمه وقلبك انتي برمضان هذا مثل رمضان الماضي ؟
اكيد لا لان الهم طال والالم زاد فباذن الله دعاؤك بيكون اقوى واصدق

ابيك تقررين بهالليله رمضااااااااان هذا ربي بيستجيب لي باذن الله

وابيك تكونين مع الله بكل لحظاتك بهالشهر خليه اجازه من كل الحياه
وبس خليك على باب ارحم الراحمين تقربي له بكل خطواتك مو لجل يستجيب لك لجل تقتربين منه وتسعدين ويرضى ربي عليك وترتاااااااحين القرب من الله له انس ورااااحه غريبه بس شدة الالم وتفكيرنا بالكرب اشغلنا عن هالاحساس
ابيك تستشعرين كنك مسافره بهالشهر الى باب ارحم الراحمين واكرم الاكرمين واجود الاجودين وكنك انختي راحلتك على بابه وااااااااااااااادعي بكل وقت دعوة الصائتم ماترد بكل سجده واخر العصر قبل المغرب ومع الافطار الليل من 12 وانتي على سجاااادتك صلي ماشئتي ثم بالوتر خلي لك ساعه ونص مايقل عنها دعاء



ارفعي ايدك وادعي بصوت تسمعينه نفسك اااااااادعي دعاء عابر سبيل غرق بظلمات البحر ومافي احد ممكن يخرجه الا الله
ااااااااااادعي ونااااااااااااادي بكل مافيك بعد اداب الدعاء المعروفه


ياااااااااااملك الملووووووووووك يااااااااااارحم الراحمين يااكرم الاكرمين يااااااجود الأجودين
يااكرم من سئل يااجود من اعطى ياذا الوجه الأكرم والأسم الأعظم والعطايا الجزلى
امة فقيرة مقهورة مظلومه لاحول لها ولاقوة الا بك يااااااااعظيم يااااااعظيم ياااعظيم


انخت ركابي على باب رحمتك يااكرم الأكرمين وبي من الحاجة والقهر والحزن والألم والضعف ما انت به عليم يالله (وقولي حاجتك وبثي همك الى الله واشرحي عجزك وضعفك الله يعلم مافي نفسك قبل تنطقينه لكن جميل نظهر تذللنا وخضوعنا وحاجتنا الى الله )
يااااااااارب اغلقت كل الابواب الا بابك ياااااااااارب تقطعت كل الحبااااااال الا حبلك


ياااافتااااح افتحهاااا علي يااااااااااخير الفاتحين
يالطيييف الطف بامتك يااااااااااالطيف
الحي ورددي من قلبك يااااااااارب اجعلها ليلة فرج يااااااااارب اجعلها ليلة فرج يااااااااارب اجعلها ليلة فرج يااااااااااارب الليله يااااااارب اتردني عن بابك محرومة مخذوله ويداي صفرا خائبتين وانت ارحم الراحمين واكرم الاكرمين
حاشا والله لاكرمين الاكرمين وارحم الراحمين ان يرد امته ياااااااااااارب ان رددتني انت عن بابك فمن لي ،، من لي يالله سوااااك يااااااااارب اعلم وان طال وقوفي على باب رحمتك بانك لن تردني لانك لم تسخرني للدعاء الا لانك ستعطيني وانت ارحم بي من امي وابي ومن نفسي علي وسأظل مادام هذا القلب ينبض بحبك ويقينا برحمتك يااااااااربي اتوسل اليك برحمتك الواسعة وعلمك بحالي ان لا تكسر لي نفسي بين المسلمين ياااااااااااجبار اتيتك بكسري فاجبرني يااااااااااااقوي اني ضعيفة فقوني ياااااعزيز اني ذليلة فعزني ياااااااااااااغني ان فقيرة فاغنني ،،


الى اخر دعائك وكل انسانه ودعائها واسلوبها لكن حبيت احط مثال بسيط لان البعض يدعو دعاء جامد بعيد عن الخضوع والتذلل فما يحس براحة اللجوء وممكن يكون سبب في تاجر الأستجابه


اااااااااادعي باااااااااااسلوبك استحضري كامل انفعالتك طلعي كل اللي بقلبك على باب ارحم الراحمين استغيثي بكل عصب منك وكنك بالبحر بظلمه او بصحراء وبظلمه وانقطع عنك شيئ مو انتي فعلا خلاص يئستي من البشر وانقطعت كل الاسباب خلاص ابيك تعيشين هالشعور وبكل مره ترفعين ايدك استشعري والحي ان الا بيجيك الفرج الان بتفتح ابواب السماء لدعائك ،،

----------
خطوات مقترحه ممكن تساعدك :
-يومك كله خليه بعباده حاولي تختمين القران كل ثلاث ليالي 10 اجزاء باليوم بعد كل صلاه جزئين تاخذ منك نص ساعه او براحتك وفي برنامج جميل بالايفون يساعدك اسمه ختمه


- شيئ مهم ايضا ابيك طول هالشهر على لسانك (لا اله الا انت سبحانك اني كنت من الظالمين ) لاتقل عن 5000 مره او براحتك العدد اللي تبين
و-لاحول ولاقوة الا بالله 5000 مره او براحتك العدد اللي تبين


وعندك برنامج سبحه بالايفون بيفيدك كثير بالعد


- الجلوس للاشراق عمره وحجه تامه تامه ثوابه جدا مهم وااااااادعي بهالوقت بكل مافيك
خلي يومك كله كنك معتكفه وبعباده فري الى الله بهالشهر بكل مافيك حتى نومك واكلك خلي لله بنيتك ان بتاكلين او بتنامين لجل تتقوين بالعباده
- الصدقه يوميا ضروري لو بطبخه تسوينه او كاس ماء تعطينه احد واليك او رسالة واتساب مفيده فكري وكثير اشياء بتطلع معك
- اذكار الصباح والمساء زادك لاتنسينه



يمكن تلاحظين ان شوي مكثف وانتي براحتك رتبي امورك بلي يناسبك اهم شيئ اعزمي على ان هالشهر ماتطلعين منه الا وربي استجاب لك فري له بكل مافيك وهذا زادك المقترح ابي هالعيد تعيشين عيد فعلا حتى لو ماشفتي بعد استجابتك
انتي اصلا من بديتي تدعين في اول امرك والله قد يكون استجاب لك وبهالفتره يدبر لك الامر حتى لما تشوفينه بالنهايه تظنين ان تو اجيبت دعوتك وهو بالحقيقه ممكن من زمن
الله يدبر لنا امور بالغيب لو كشفت لنا لذابت قلوبنا من محبته


اختي اللي مازلتي تتألمين ويئستي من البشر وقلبك وكل مافيك معلق بالله وحده
هذا اختبار لقوة استعانتك وتصديقك ماعليك من اللي صار ااااااااااادعي اااااااااااااااادعي برمشة عين ربي قااااااااااااادر يبدل حالك ويقرب لك البعيد بامره كن فيكون


ليه ماقال موسى لما خلاص صار جنود فرعون قدامه وعاتبوه اتباعه ليه ماقال ربي خذلني وتحطم لا بالعكس ثبت بهالموقف العظيم ولا كان يتوقع ابد بعد ماساءت الاحوال ان ربي يدبر له الاعظم من خياله مو بس ينصره لايامر البحر ينشق ويغرق فرعون وجنوده قدام عيونه
ابراهيم عليه السلام لما جمعوا له واشعلوا النار وربطوه بالمنجنيق وخلاص رموه بالنار ليه ماقال ربي خذلني استغفر الله ومااستجاب لي وتحطم لا بالعكس ثبت قُلْنَا يَا نَارُ كُونِي بَرْداً وَسَلَاماً عَلَى إِبْرَاهِيمَ
والامثله تطوووووووول



اثبتي ارجوك باصعب اللحظات بحياااااااااتك خلاص دامها ضاااااااااقت حيل ربك يفرجها من حيث لاتحتسبين لاتقولين كيف ومتى ربي بيدبر الامر وبرمشة عين يغير حالك من حال لحال ،،


تخيلي ربي خلق 100 رحمة وحده بس انزلها للارض وكل اللي تشوفينه من رحمه بين الناس والحيوانات هي بس رحمه وحده من رحمات الله و99 رحمه يرحم بها عباده الرحمن الرحيم لو تاملتي بس حياتك وشفتي كم موقف ربي رحمك فيه ونجاك بتلاقين مواقف لاتعد ولاتحصى رب هاذي رحمته وسعت مابين السماء والارض وكرمه الى درجة انه حيي كريم يستحي اذا رفع العبد يديه ان يردهما صفرا خائبتين


من نحن لجل ملك الملوك يستحي منا
ااخ بس والله العظيم ماقدرناه حق قدره


حبيبتي انتي ارتااااااااااااحي واطمئني دام امرك بيد ملك الملوك وارحم الراحمين
فوضي له امرك وارتااااااااااااااحي هو بيدبرك بتدبيره
ادعي وقلبك مطمئن وميقن
كل ماضاقت وحسيتي انك مخنوقه ونفذ صبرك اااااااااااااادعي ربك كريييييييييييم رحييييييم بهالوقت بتكون دعوتك اصدق فباذن الله تستجاب لك
حياتي انتي العسر والهم له وقت وبينتهي

اسمعي هالمقطع سبحان الله اذهلني





ااااااااااارجوك غاااااااااليتي اثبتي خلاااااااااااص قربتي دامها ضااااااااااقت لهالحد اثبتي وهاذي بشاااااااااارتي كانت لك لان هاللحظه حااااااااااااااسمه في من يتراجع ويخسر وفي من يصمد فيتحقق له مراده

واخيراااااااااااا
هذا اااااااااهداء جمييييييييييييل رسالة من شخص كان مكروب مثلك ومر بنفس شعورك ااااااااااسمعيه للنهايه واقسم بالله لتتغير نفسيتك وشعورك كله 180 درجه وبتدعيلي لانه من اجمل اجمل ماسمعت وحيل ريحني وكنت احتاجه
مقطع صوتي هنا اضغطي فوق على استماع


إنها لحظة! عندما يشتد اليأس فيعظُم الرجاء!
http://www.al-furqan.org/more-326-1-...AC%D8%A7%D8%A1!

ااااااااااخيرا
اسئلك بالله والسؤال بالله عظيم ان تذكروني بدعوه بان ييسر الله عسري ويحقق لي مرادي ويفتحها عليي وعليك وعلى كل مسلم مكروب بإذن الله !

موضوعي هذا وكل موضوعآتي للجميع وصدقة جاريه ولكل من سينشره أسال الله ان يتقبله لوجهه الكريم وان يجعل هذه الكلمات سبب في رضاه عنا يااااارب




منقول لاجل الفائدة


التعديل الأخير تم بواسطة اخت المحبه ; 17-04-2018 الساعة 05:08 AM.
    رد مع اقتباس مشاركة محذوفة
New Page 2
 
 

قديم 17-04-2018, 11:10 AM   #2
معلومات العضو
رشيد محمد أمين
مراقب عام و مشرف الساحات الإسلامية

افتراضي

بارك الله فيك و أحسن إليك

 

 

 

 


 

توقيع  رشيد محمد أمين
 لا حول و لا قوة إلا بالله
    رد مع اقتباس مشاركة محذوفة
New Page 2
 
 

قديم 23-04-2018, 11:08 PM   #3
معلومات العضو
اكابر

افتراضي

نفرح بفرج الله لكن الأهم أن تكون أعمالنا ليرضى وليس ليعطي
جزاك الله خير وبارك فيك

    رد مع اقتباس مشاركة محذوفة
إضافة رد

مواقع النشر (المفضلة)

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


بحث عن:


الساعة الآن 12:26 AM

web site traffic counters


Powered by vBulletin® Copyright ©2000 - 2018, Jelsoft Enterprises Ltd.