السلام عليكم ورحمة الله وبركاته
هـذا بنـات اليـوم برقـع وجـوال -------------------ولا عبايـة كتـف هـم يلبسوهـا
والراس فوق الراس طرحه مع الشال ------------------- حتـى الخصـال الطيبـة أفقدوهـا
يوم البنات اللي غـدٍ سبـت اهمـال ------------------- ويـوم السبايـب اهلهـا هملوهـا
الأم نامـت والأبـو صـار تمثـال ------------------- والبنت راحت ويـن مـا يسألوهـا
بالليل تسهر بيـن هاتـف وجـوال ------------------- وإلا علـى دش الفلـس سهروهـا
اقفاي هي ما بين الأسـواق واقبـال ------------------- بلا غـرض راحـت ولا انشدوهـا
اللبس تلبس كل مـا يطـرب البـال ------------------- وفلوس لو تنقص عليهـا عطوهـا
من شافها باللبس يا ساتـر الحـال ------------------- يسبهـا ويسـب مــن خلفـوهـا
كومة لحم وعيون والرمـش قتـال ------------------- ولا مشـت كـل الشبـاب أتبعوهـا
هم مادرو لـوإن البراقـع بتنشـال ------------------- ونشوف وش تحت البراقـع خفوهـا
يرتاح من صابه من أسبابها هبـال ------------------- ويشوف والله من عيونـه هووهـا
وين البنات اللي بهم تضـرب أمثـال ------------------- ليت السلـوم الطيبـه مـا تركوهـا
البنت زين البنـت لا زانـت الحـال ------------------- ماهـو بلبـس ولا علـوم خذوهـا
وين المراجل ما بقى غيـرة إرجـال ------------------- ليـت الشـوارب واللحـى حلقوهـا
اللي على عاره رضى الـذل ينقـال ------------------- ليـت الكرامـه ليتهـم يرفعـوهـا
ماعاد ينفـع قـول فيهـا ولا قـال ------------------- لا الأم والله ولا الأبــو أنفعـوهـا
اصبح ضياع البنـت بسبـاب جـوال ------------------- البنـت ضاعـت والأهـل ضيعوهـا
والسلام عليكم ورحمة الله وبركاته
حال بنات اليوم
