يابوي ليه تبكي كل ما شفتك وعينـك لـي
تخاف أموت يابوي .. وقبل الموت تبكينـي
كفا يابوي لا تبكي وأنا موجود معـك وحـي
أجل بعد الرحيل أشلون .. في قبري توطيني
قسم بالله يابوي لجل عينـك شربـت الغـي
جرعت الهم والحرمان وبحر الويل يسقيني
تحملت السنين اللي طوتني في عاذبي طـي
وصار الجمر بكفوفي .. وتحت أقدام رجليني
يابوي ماعلى عمري حسافه ولا بقا بي شـي
ولـكـن بطلبــك ..يـابـوي تكـفــا لا تخـلـينـي
يابوي مابي غيـرك يغسـل جثتـي بالمـي
وتكفا قبل لا أتكفن .. يابوي فكلـي عينـي
بأمر الله يمكن ألمحك وأرحل في عيني ضي
وودع وجهك الـطاهـر مع دنيـاي وسنيـنـي
وخل الناس تحملني وترفع راسي ورجلـي
وتأخذني على قبري وتكسب أجرهـا فينـي
وأذا جيت القبر يا بوي نزلني شوي شـوي
ووجهـني لبيـت الله .. وقبلـة المصلينـي
وحط الطين وأدفني وعز اللي يعـزي فـي
ثلاث أيام يابـوي .. يواسـوك المعزينـي
ورابع يوم يا بوي تذكر .. ضحكتي وعنـي
تذكـر وش كنت أقـول يـوم أنـك تنادينـي
تذكر يـوم كنت أنـام في ظـل النـخـل والـفـي
تجي يمي تصب الما..على وجهي وتصحيني
:
تذكر جرة الموال وصوت فـي حبالـه كـي
تذكر يوم أغني لك قصيدي وانت توحينـي
تذكر ضحكتك لا قلتلك يابوي عشقـي هـي
تذكر كم قصيدة خافيـه مـا بينـك وبينـي
تذكر كل شي كان وأذكر.. يـوم أنـا حـي
ولكـن أسالـك بالله يـابـوي لا تبكيـنـي