السلام عليكم ورحمة الله بركاته
عندي مشكله ومااعرف اذا احتاج رقيا او لا انا متزوجه وعندي اطفال في يوم ولدي عمره وقتها تقريبا 3 سنوات كان نايم ع الساعه 2 الليل وصحيت على صوته يبكي بقوه لما رحت غرفته اشوفه الا يقول لي وهو مغمض عيونه بقوه انو فيه كلب كبير جالس عند باب المطبخ ( غرفة نومه مقابله المطبخ الباب مقابل الباب وسريره مقابل الباب ) رحت المطبخ وشغلت المسجل على سورة البقره طبعا كنت مرعوبه واتخيل شكله بعيون حمرا ورجعت لولدي اسأله عن الكلب فتح عيونه وقال خلاص راح وبعدها بفتره نفس الشي وتقريبا نفس التوقيت بنتي كانت تبكي في نومها ولما صحيتها قالت انها شافت حلم مو حلو جلست اقرا عليها المعوذات واخذتها غرفتي تنام جنبي لان زوجي وقتها كان مسافر لما دخلت الغرفه تأشر بيدها على طرف السرير في جهة نومي وتقول مااحب هذا الرجال الاسود وشغلت بعدها البقره وبعدها بكم سنه بنتي الصغيره كانت في صباح رمضان الساعه 7 تلعب في الصاله لوحدها وانا في غرفتي اسمعها تصرخ بقوه وتقول بسه ( احنا ساكنين دور رابع مستحيل بسه تدخل علينا البيت ) اكثر من مره تجي عندي وتروح عشان البسه بس من الخوف ماقدرت اتحرك من مكاني وصحيت زوجي مااهتم في الاخير جات تقول انو البسه دخلت غرفة نومهم. غير عن كذا قبل ننام نحط التلفزيون على قناة القرآن الكريم اصحى في نص الليل على صوت ام بي سي 3 كل ليله توقعت واحد من اولادي لكن مره وانا صاحيه تغيرت القناه ولا احد موجود في الصاله حلمت مره بوزغين كبيره مررررره واقفه في سقف الباب تحاول تدخل غرفة نومي واحد رصاصي والثاني اسود ونفس الحلم تكرر لكن صرصارين ودايم احس نار مولعه داخلي بدون سبب ولما طلقني زوجي في نفس اللحظه حسيت زي المويه البارده تنزل من راسي لرجولي وفرحت وجاني نشاط رتبت البيت ونظفته وبعدها رحت لاهلي وانا عادي ولما رجعني زوجي والله العظيم وانا معاه في السياره رجع لي الاحساس الاول وكانت تطلع لي كدمات في رجولي ويدي بدون سبب غير انو اولادي يسمعو احد يناديهم لكن الحمدلله الان ما يشتكو من ذا الشي. وجات فتره كان طبخي عدم ماناكله الا من الجوع وبس لكن الان الحمدلله تغير الوضع مع انو قبل كان طبخي ممتاز. الفتره الاخيره حلمت اني ابلع شعره وحلمت انو كلب لعبه يهجم عليا وفسرتها قالو لي سحر مشروب ولازم رقيا مكثفه. قبل حلم الشعره جلست سنه تقريبا يجيني الم في بطني نفس الم الدوره وغثيان مو طبيعي. والان عندي بنت لها سنتين قبل تكمل سنه من عمرها بكم يوم يجيها تشنج حراري فقط في الشهر اللي انولدت فيه باقي السنه تسخن عادي الان بنتي عمرها 3 سنوات قبل تكمل 3 سنين ما جاها تشنج كالعاده طلع لها في وجهها زي الحرق صغير كم يوم صار كبير وديناها المستشفى قالو حراره داخليه خرجت على شكل جروح والان نفس الشي لكن في رقبتها طلع شكلها كأن جلدها محفور بقوه مو بسيط حطيت عسل راح لكن اللي يشوفه يقول حرق وطلع شكله زي رسمة العين ( على كلام الناس اللي شافو الجرح ) الان انا على حافة الطلاق مااعرف ايش اللي يصير عندنا في البيت ما اتحمل وجود زوجي في البيت اكون عادي اذا كان برا البيت لكن اول ما اسمع صوت المفاتيح يجيني زعل واحس شي في نفسي على زوجي ماادري كره حقد ماعرفت لكن ماارتاح اذا دخل البيت واذا كان برا اكلمه وانا مشتاقه له وهو نفس الشي يترك اصحابه عشان يجي نجلس مع بعض بس يدخل البيت يتنكد ويحملني المسئوليه واكثر من مره يقول لي اذا كنا متزاعلين وتراضينا اذا كان بيننا مشاكل يشوفني حلوه واذا كان الوضع عادي مافي اي مشاكل يشوفني كبيره.
اتمنى تفيدوني لاني الى الان مو مقتنعه اني مسحوره
عندي مشكله ولا اعلم ان كنت احتاج للرقية ، انا متزوجه وعندي اطفال وتلك القصة ؟؟؟
لموقع ومنتدى الرقية الشرعية - مؤلف ( الموسوعة الشرعية في علم الرقى ) 
،،،،،،
