ضحكوا عليك قالوا دخان **** وهوه إسمه سم القطران
اللي بيجيب السرطان **** يبقى إزاي إسمه دخان
ضحكوا عليك قالوا دي شيشة **** قالوا بانجو قالوا حشيشة
هتخليك كده زي الريشة **** إلحق سيبها هتروح طيشة
ضحكوا عليك قالوا ده سيجار **** إسال أهل الخير في الدار
هيدلوا العقل المحتار **** ده قطران بقى ولا سيجار
كتبوا عليها موت ودمار **** حطوا صورة رئة - سرطان
قالوا إنت بتلعب بالنار **** مابقاش ليك كده بقى أعذار
ضحكوا عليك قالوا دي سجائر **** وإنت على صحتك جائر
وفي قتل النفس إنت سائر **** يبقي إزاي إسمها سجائر
ضحكوا عليك سموه غليون **** إشرب عاقل أو مجنون
سم القطران الملعون **** يبقى إزاي إسمه غليون
إلحق سيبها إلحق توب **** وما تقلش عليا مكتوب
تغيير النفس ده مطلوب **** وفي دي مخير مش مغلوب
سيبك من سم القطران **** سيب البانجو سيب الإدمان
وتقرب كده للرحمن **** وساعتها هتكون في أمان
ساعدونا في نشرها أو إنشادها أو نقلها
ويمكنكم تحميل المرفق لبرنامج لترك سم القطران والتقرب شبر إلى الرحمن (من هنا)
اللهم إهدي بها وتقبلها وإجعلها خالصة لوجهك الكريم
وضعها الله في ميزان حسناتنا جميعاً يوم القيامة
ونفع بها أمة الإسلام والمسلمين
ولاتنسونا صالح الدعاء
ضحكوا عليك
