السلام عليكم و رحمة الله و بركاته شيخ ابو البراء
احنا عندنا مشكلة ان عائلتنا م مش بتحب لنا الخير و بيحسدونا و مش بيتمنوا لنا الخير و في اثنين معروف عنهم ان عينهم وحشة جدا و هما عارفين انهم بيحسدوا و بيستخدموها ضد اللي مش بيحبوه او اي حد يضايقهم و ده معروف في العائلة و بيحسدونا عشان هما حاسين اننا احسن منهم في تعليمنا و مستوانا
اولا انا كنت متفوقة في الدراسة و بحب المذاكرة لحد ثانوية عامة و كان نفسي ادخل كلية معينة وهما عشان عارفين اني متفوقة حسدوني وما دخلتهاش و اصبحت بأكره المذاكرة و بدلا من اني كنت باطلع من الاوائل بقيت بنجح بس مش بتقدير عالي و كمان كان معايا واحدة زميلتي من ايام المدرسة كانت بتغير مني جدا و بتبصلي في المذاكرة و كانت دايما بتسأل عن درجاتي و هي دلوقتي طلعت من الاوائل و اتعينت في الجامعة و انا اتخرجت مش عارفة اشتغل و و لا اجد شغل و كل حاجة مقفلة قصادي و كل ما اقدم في مكان ما اتقبلش
اخواتي البنتين الكبار اتجوزوا في يوم واحد و كانت جوازات كويسة ما شاء الله و عائلتنا كانوا متغاظين جدا و من ساعتها من 14 سنه مفيش اي حد مننا انا او اخويا او اختي اتجوز و كل ما يكون في عريس او عروسة مفيش موضوع بيكمل و اختي مرتين في يوم كتب كتابها الصبح الخطوبة تتفسخ و هي فوق ال35 سنة و في مشاكل كتير في حياتنامش بس في الجواز بس كمان في الشغل مش عارفة اشتغل لحد دلوقتي و دائما في ضيق و مخنوقة جدا و بيطلع لي خراريج و بقيت بكسل دا اصلي و في الاول كنت باحفظ القرآن بس دلوقتي مش باقدر و بقيت باكسل جدا و مش بارجع علي اللي حافظاه و باكسل اعمل اي طاعة و مش عارفة اعمل ايه احنا سألنا شيوخ كتير بس محدش افدنا و دار الافتاء قالوا مش بنجاوب علي الاسئلة دى اروك قول لي نعمل ايه وادعي لنا كتيييييييييييييييييييييييير
لموقع ومنتدى الرقية الشرعية - مؤلف ( الموسوعة الشرعية في علم الرقى ) 
،،،،،،
