بالنسبه لي انا في البداية ماكنت مستوعبة انه ممكن يكون مرض روحي وللان ماني عارفه هل القولون بسببه او لا!!! مع انه تجيني احلام بس ماكنت اهتم لاني من النوع اللي يفكر كثير وكنت احسب الاحلام شي نفسي بسبب التفكير قبل النوم
وقعدت سنوات الف من مستشفى لمستشفى واخذ ادوية وانتكست حالتي.
انا جربت ادويه كثييير ومافادتني وبالنسبه للرعشه اللي تجي في الاطراف تجيني ياخوي صقر الشرقيه ورحت لاستشاري مخ واعصاب وسويت تخطيط للمخ واشعة رنين واذكر وقت تخطيط المخ كانت فخوذي تهتز بشكل مو طبيعي بس قال لي مافيك شي واعطاني ادويه نفسيه واستخدمتها كم يوم وجاتني اعراض الله لايوريكم ورحت للمستشفى بسببها يعني دخلت في حلقة مفرغة
وبسبب قوة القولون جاتني بواسير واضطريت اسوي عمليه وللاسف فشلت وتعبت اكثر
ياناس معقوله القولون يسوي كذا؟؟؟؟؟؟؟؟
والله لو ارص لكم البلاوي مااخلص بس الحمدلله يارب على كل شي, كل يوم احمد ربي واصبر نفسي, لاني كل مااذكر نفسي زمان واقارن نفسي بالحين احس اني في كابوس ويوم اشوف قريباتي واخواتي صرت اكره اقعد مع احد مره وجهي صار شاحب وباين اني مريضه ومااحب احد ينظر لي بشفقة. ساعات اقول يعني بظل طول حياتي كذا؟ بدات اتعب وانا عمري 17 سنة تقريبا ولي 6 سنوات. من جد المرض مايعرف لا صغير ولا كبير, بس دايما احاول اكون متفائلة وصابره
القولون العصبي يجي لناس كثير بس بدرجات مختلفه بس احنا حالتنا وصلت لاسوأ مرحله شكلها بسبب الاعراض اللي ذكرتها زي الامراض النفسيه. والله انا الان وصلت لمرحله ساعات مااقدر اخدم نفسي, امي الله يسعدها هي اللي تسوي لي الاكل وتساعدني لدرجة انها تنام معاي بعض الاحيان لانه ساعات اتعب نص الليل او احلم والله كرهت نفسي ساعات ابكي مقهوره المفروض انا اللي اخدمها مو هي ويوم انام بعض الاحيان اتمنى اني مااصحى.
رجعت بعدين دخلت في دوامة الادويه النفسيه وجابت لي البلاا وبطلتها
عموما سواء كان السبب نفسي او عضوي او روحي الرقية وقراءة القران لازم منها بالذات سورة البقرررة
والله ياصقر الشرقيه ماتصدق قديش استفدت من الموضوع اللي كاتبه واكيد مو بس انا كل الناس اللي يقراونه وشووف وصل العدد بالالااف واصلا ماعرفت القسط الهندي الا من موضوعك جزاك الله خير واستفدت من الاعضاء اللي مرو فيه جزاهم الله خير
صدقني كل من مر وقرا ان شاء الله يستفيد لانه كل واحد يكتب تجربته وايش الاشياء اللي استخدمها واللي فادته وبكذا بيستفيد غيرنا وان شاء الله يتعافون ونكسب اجر ياارب وحتى امل جزاها الله خير استفدت منها ومن نصايحها
انا حاليا مستمره على العسل كل يوم قبل ماانام واول مااصحى من النوم احط ملعقتين عسل في مويا دافيه واشربها. والتلبينه جدااااا زينه للقولون والنفسية والقسط الهندي وقراءة القرااان
وبالنسبه للمنتدى ياامل حطيت موضوعي ومحد رد علي؟؟؟ هم يطولون كذا؟؟
وتذكروو انه هذا ابتلاء واختبار من الله سبحانه ولازم نصبر
وعسى ان تكرهو شيئا وهو خير لكم
يارب يارب تشفيني وتشفي كل مريض ياارب