مرض القولون العصبي !

[بومنار]

تحياتي لك ياصقر الشرقية ماتشوف شر والله امس كان عندي موعد عند دكتور الباطنية وشكيت له كل الي عندي وسبق وان سويت منظار عندةللقولون وسليم الحمدالله على كل حال والان قال من سويلك اشعة على المسالك البولية والمراة ونتكدهل عندك مشكلة وقال الان من عطيك علاج سيروكسات علاج نفسي وحولني على الاشعة التلفزونية والله ياصقر الشرقية الام ارهقنني والبارح تعشيت اسكندر والله ماذقت طعم النوم لحد الساعة هاذي يمكن غفوة نصف ساعةوالحمدالله الله يكتب الاجر على كل حال

[صقرالشرقيه]

هلا اخوي بومنار حياك الله

والله يا اخوي بومنار في مقطعه شفته قطع قلب اتمنى تشاهده على يوتيوب او موقع ثاني شبيه باليوتيوب

مراءه مبتلاه ممكن عوارضها واجهنا منها القليل منها مثل الوسواس لكن ممكن الي عندنا كان قليل جداً بالنسبة لها

والله يوم شفتها احس ولا شيء من الي فيني لا حول ولاقوة اله بالله

الي فيني ممكن يروح ويرجع باليوم حتى لو كان بلأسبوع الي فيها الله يعينها صعب

المهم اخوي بومنار روح لليوتيوب واكتب
جني يهاجم الشيخ على الهواء مباشرة ويهدد ويتوعد بالقتل!!


ما اقدر احضر لك الرابط لأجل القوانين

انا الحمد لله الظهر اتعبني والحين تحسنت شوي احمد ربي

ابي اروح محل اشتري لي شيء العصر ما قدرت الحين تحسنت وفرصتي اروح اشتري وارجع بسرعه ^_^

تدري ايش اتمنى يا بومنار ، اتمنى اصح بس قبل صلاة الفجر كل يوم واشكي لله

متأكد لو سويتها راح ارتاح باقي اليوم كله

لأني سويتها من قبل صار عقلي وفكري معه والله احس اني مرتاح بالي يجيني

والصبر عندي كبير

اخوي بومنار كيف وضع عملكـ أنت تشتغل ؟!

تروح الدوامـ ؟!

كيف وضعك الإجتماعي تروح تجي شوي متوسط منعزل ؟!

أنا قررت بعد هذا الأبتلاء وان شاء الله بعد الشفاء ان الله اراد

ان اكون مع الله ليكون معي في كُل حاجة

سبحان الله حياتي قبل يوم كانت مع الله منظمه في كُل حاجة

تصدق حتى في غذائي اوقات مذاكرتي واذا الشخص مرتب اكيد راح يكون مرتاح البال

كنت مريح على الآخر

بس اهملت روحي شوي ولهتني الدنيا والنت وشويت متعه

انقلب حالتي من دون ما اشعر وهذي اكبر مشكله من دون ما اشعر

لو اني على ما انا عليه وانقلبت حالتي راح احس فيها لأني وقتها متنبه لأي حركة فيني

لكن اقول الحمد لله وعازم اعدل بعض الأمور واصحح حاجات واكون مع اللهـ

ويارب ربي يرجعنا مثل ما كنا واحسن مما كنا

اتمنى لك الشفاء العاجل لك ولي وللأمه الأسلاميه

[صقرالشرقيه]

جربت اخوي بومنار / الشاي الآخضر مع كمون مع نعناع

ممتازه حق الغازات والأنتفاخ

اذا هداءت معدتك شوي وحست تقدر تشرب اشرب لك كاس منه وشوف وضعك معه

وما يضر كاسين بعد والله يكتب الي فيه الصالحـ

[بومنار]

بارك الله فيك ياصقر الشرقية اما بنسبة لي كنت عسكري وخدمة 21سنة في المسلك العسكري
وطلبت تقاعد مبكر وياليتني ماطلبت اسنة الاولى اودي اولادي المدرسة ورجع اكمل نومي فطوري يومين في المطاعم كل يوم ونا في مطعم ومرتاح وتمر الايام يباغتني هذا المرض بدون مقدمات حتى من قوة الوجع اتنوم في المستشفى واهملت اولادي وصاردوامي في المستشفى ولاكن لافائدة تذكرماتركت مستشفى اهلي الاعيادةالاومريتها والااستفدة شي ولاكن عقب مروح البرد حسيت اني ارتحت نسبين وصرت اشرب ينسون بعد كل وجبة امابنسبة لي طلعات صار ت قليلة مطلع من البيت الى لي اغراض اوسطونة خلصت واحتكاكي بي الشباب صار شبة معدوم قبل المرض كنا نطلع نروح الحقل ونجلس على الشاطي نجلس بليوم واليومين واحينا نطلع بي العوائل نعين من الله خيرولاكن عيد الاضحى طلعو وماطلعت معهم الان كانت حالتي ونفسية في حاله يرثى لها والله ياصقر الشرقية مالنا الاادعاء ولاتجاء لي الله ان يشفينا ويشفي كل مبتلامعليش طولنا عليك

(اللهم لاتشمت اعدائي بدائي واجعل القرآن العظيم شفائي ودوائي انك انت ثقتي ورجائي واجعل حسن ظني بك شفائي
اللهم احفظ علي عقلي وديني وبك يارب ثبت لي يقيني وارزقني رزقاً حلالاً طيباً يكفيني وابعد عني شر من يؤذيني ولا تحوجني لطبيب يداويني
اللهم استرني علي وجه الارض وارحمني في بطنها واغفر لي يوم العرض
بسم الله الرحمن الرحيم طريقي والرحمن رفيقي والرحيم يحرسني من كل شيء يلمسني ومن شر النفاثات في العقد ومن شر حاسد اذا حسد بفضل قل هو الله احد)

[فهد السالم]

السلام عليكم ورحمه الله وبركاته
في علاج ماذكرته بموضوعي واهو اللي ساعدني بعد الله قطع عني التفكير والهلع والخوف وخلاني اجتماعي الا وهي الصبخه او اللبخه بالراس انا حصلت فتق براسي من كثرت التفكير والعصبيه واعراض القالون طبعا الفتق اللي براسي 6 فتحات والحمد الله تسكرو من رابع يوم وحسيت بالفرق الشاسع وعلاج فعاااااااااااااااااااااااااال بعد الله لان اكثر الناس مايعرفونه ولا يامنون بالطب الشعبي وانا انصحكم بالعلاج ضرووووووووري وراح تدعولي ان شاء الله

[صقرالشرقيه]

" الصبخه او اللبخه " ؟! ما اعرفها واول مره اسمع عنها وغريب لو كان علاج شعبي ولا سمعت عنه

ممكن تقصد اخوي الحجامه ، عموماً انا عملت حجامه وما عملتها اله لمن حاني القولون

سويتها براسي مره وبمنطقه القولون مرتين الي اهيا الظهر شوي اسفل

يعني مافي تحسن كبير كان فيه تحسن بسيط جداً

عموماً الأعراض الي تكلمت عنها ما تجيني بشكل قوي لأني ما افكر فيها كثير واذا جاتني

اعرف انها جاتني بالبدايه فأتمالك نفسي واهون على نفسي وتروح تدريجياً

وترى الإجتماعيه مع الناس والأحتكاك بشكل جُزيء لها مزايا رائعه لعالج بعض ما يتعرض له مصاب القولون

وانا دائماً اركز على الأكل لأنه هو المسبب الرئيسي لهذا المرض الأختلال في عملية الغذاء السليم للمصاب تأديه لنتائج لا يحمد عقباها

[بومنار]

السلام عليكم ورحمةالله وبركاته اخوي صقر الشرقية واخواني اعضاء المنتدى اين التفاعل مانشوف تفاعل اوردود والله نبي نشوف حل للبلاءهذا اوحلول تخفف من وطئته اناسمعت ني فية علاج لبراكس صناعة سويسرية ويقولون مفيدللقولون والله انا بهذلني اليوم برغم اني تجنبة الدهون واكلي خفيف والله جنني تجنين حتى بزورتي ماطلعتهم اليوم
الهي انك أنت العزيز الجبار الذي لااله الا أنت الهنا واله كل شيء الها واحدا، أسألك بحرمة الكلمات التامات كلها الأمن والعفو والعافية والمعافاة الدائمة في الدنيا والآخرة، والأهل والجسد والمال والولد والمسلمين أجمعين يارب العالمين انك على كل شيء قدير، وارحمني برحمتك ياأرحم الراحمين، واكشف عني مانزل بي من ضر وشر كل ماأردت من الأمور، وخلصني خلاصا جميلا يا رب العالمين، وصلى الله على سيدنا محمد وعلى آله وصحبه وسلم

[فهد السالم]

السلام عليكم ورحمه الله وبركاته
الصبخه ياخوي ماهي حجامه الصبخه حقت الفتق اللي بالراس يعني الجمجمه حقت الراس تكون مفتوحه من الداخل ويدخل الهواء فيها وتسبب اكتئاب وحزن وخوف وهلع واعراض القالون وصداع واعراض واجد انا كنت نفسك ما اعرف شنو الصبخه ولا الفتق واقول وشلون الراس ينفتح ورحت حق عجوزه شعبيه قريبه من البيت متمرسه بالطب الشعبي 30 سنه وقاست راسي بخيط حق وبر وقالت راسك فيه فتق بالاصح مفتوح 6 وقالت تعالي بكره وانت محلق على الزيرو وجيتها وصبخت والله والله ان من رابع يوم حسيت بفرق شاسع اختفى كل شي ونا اخوك بس في ناس ما يعرفون شنو الفتق طبعا الراس ينفتح من كثر التفكير او العصبيه وحمل اشياء ثقيله والتعرض للهواء بعد الترويش وللمكيف ونا سالتها بنفسي وقلتها في ناس تشافو من الصبخه قالت جوني ناس مجانين لان الفتق درجات يوصل الي 9 مرحله الجنون وبعد الصبخه تغيرو لانهم مايعرفون السبب وما يعرفون الفتق اللي بالراس وهذ كل اللي اعرفه وادخل قوقل واستفسر عن الفتق بالراس واي شي تبيه انا بخدمتك

[فهد السالم]

انسخ الرابط ودش عليه
http://www.khayma.com/cupping/moxa/headburn.HTM

[صقرالشرقيه]

آهااا

فهمت عليك اخوي فهد

ممكن والله كل شيء جائز الله يعطيك العافيه على ها المعلومه

اخوي بو منار

والله مافي شي اقدمه لك ولي ايضاً

تعبت تعبت كثير من ها المرض ما بقى شيء ما جربته

حجامه - اعشاب - عسل - رقيه شرعيه - ماء زمزم - الحبه السوداء - التلبينه

يعني تعبت

بس انا ابي اعرف السبب ما ندري من ايش سببه هيا عين وله هو مرض

والغالب انه مرض لأنه كل مدينة في مصابين بهذا المرض

والعين ممكن تكون اعراضها مثل كذا بس الي فيني متأكد ماهو عين

لأني وقتها كنت اقول اذكار الصباح والمساء كل يوم وصلاتي محافظ عليها

ولو قلنا انها عين رقية نفسي كثير ولا في اعراض ظاهره اثناء الرُقيه

شيء غريب عجيب

انا التفسير الوحيد لسبب هذا المرض عندي والمؤكد هو

" ابتلاء "

والثاني

" سوء التغذيه "

مثل ما يقولو خبراء التغذيه على اني

اشوف بعيني اشخاص تغذيتهم سيئه لكن الحمد لله ما اصايب بهذا البلاء

وكل ما تنصحهم يعطونك الأذن السمخهـ لأنه ما زالو يشعرون بالراحه

ولو عرفو معنى الضيقه والتعب والهلع لكان الحفاظ على الغذاء من اولوياتهم

اعرف صديق آتاه القولون واعتقد اعراضه بسيطه حالياً

هو له كم شهر كذا و حضرنا احـد اللقاءات بوفيهـ

يوم جاء وشاف الكعكه مكشوفه خاف ان ياكل منه يقول ممكن يجيني تسمُم

لأنه ضاق المقص و الأسهال

هيا بالفعل مكشوفه لكن مبين المكان نظيف ومافيه شيء يخليها فيها تسمم

المهم لحظته حريص على موضوع الأكل ليه

لأنه مجرب

وعندي ايضاً صديق اصيب بهذا البلاء من وقت اصابتي

والله يا اخوي يعاني منه وكل ما اشوفه لازم نتكلم عنه

واحس انه يعاني اكثر مني وكله خملان وفيه نوع من الأكتئاب

الله ياجرنا بس