[ريماس المطيري]

السلام عليكم ورحمة الله وبركاته

انا بنت عمري 16 بدت معاي الاعراض قبل 3 سنين بالضبط

كنت ما اصلي واحب اسمع اغاني واحب الاغاني الاجنبيه بأنواعها

انتقلنا البيت الجديد طبعا موقتا لين نتقل للبيت الجديد اللي هو الدائم

مره وانا نايمه قعدت وانا ارجف وكان الجو بارد بس كنت ارجف بشكل مو طبيعي

وكانت حنجرتي ملتهبه رحت للمدرسه جتني حراره حرارة جسمي ارتفعت

طبعا الحاله جتني يوم واحد بس

وثاني يوم بدت معاي الاعراض

1 - اتخيل اشياء ما اشوفها

2- ماحب اسمع قرأن

3- ابتعدت عن الصلاة

4- واللي كان يخوفني اكثر لما انام اسمع صوت وحده تنادي بأسمي

بعدها بسنه انتقلنا البيت الجديد

وكنت امارس حياتي طبيعيه مثل اي شخص وبعدها بسنتين اللي هو السنه هاذي بدت معاي المشكله

كنت رايحه مع صديقاتي للملاهي وركبت لعبه من الالعاب وخوفتني حيل وقتها حسيت اني بموت حسيت بهبوط قوي جاني وقبل لا اركبها وانا متوتره

وبعدها هم مارست حياتي بشكل طبيعي بس اللي صار اني

قررت اني التزم اترك الاغاني واصلي بخشوع لأني خفت من الموت

ومره وانا قاعده مع اخواني جاني هبوط قوي حسيت اني بموت وقعدت اصارخ

ورحت المستشفى طلعت كل التحاليل سليمه معادا تحليل فيتامين د

بس بدا معاي وسواس قهري شديد بكل شي بالموت اخاف احد اهلي يموت قدامي

واخاف ان جني يسطر علي وانتحر ودااايم جذي افكاري

وصلت فيني اني ما اطلع برا البيت صار عندي اكتأب

استمريت على سورة البقره 21 يوم وتركتها

ماعليه طولت بس حبيت اني اشرح حالتي اكثر