[مى عزت]

طبعا كلنا بنحب الشيش طاووق وبناكله برة البيت كتير اوي لانه طعمه بيكون حلو بس دلوقتي في طريقة حلوة اوي للشيش طاووق وبيكون طعمه احسن من اللي برة بجد طعمه بيكون تحفة يعني لو انتي عاملتيه في عيش فينو مع شوية خس وكاتشب ومايونيز زوجك وولادك مش هايصدقوا انك عاملاه في البيت وبجد مفيد جدا لانه بيكون عليه زبادي وصدور فراخ طبعا يعني كالسيوم وبروتينات جامدة جدا .
مقادير شيش طاووق
– كيلو صدور فراخ .
– كوب الا ربع زبادي .
– ربع كوب زيت .
– ربع كوب عصير ليمون .
– ملعقة كبيرة صلصة طماطم .
– ملعقة صغيرة ثوم مفروم .
– ربع ملعقة صغيرة حبهان مطحون .
– ملعقة صغيرة بهارات فراخ .
– ملعقة صغيرة فلفل اسود .
– ملح حسب الرغبة .
– فلفل اخضر.
– طماطم صغيرة الحجم .
طريقة عمل شيش طاووق
– تغسل الفراخ جيدا وتقطع مكعبات بقدر الامكان وتوضع في اناء عميق ثم يوضع عليها الزبادي والثوم المفروم والزيت والليمون والصلصة ويقلبوا جيدا .
– ثم يوضع الملح والفلفل الاسمر والبهارات والحبهان ويقلبوا جيدا حتي يمتزج الخليط ثم بعد ذلك نضعه في الثلاجة لمدة لا تقل عن ساعتين وبعد كده نخرجه من الثلاجة ونحضر اسياخ او عيدان الشيش طاووق وهي عبارة عن عود خشب مثل خلة الاسنان ولكن بتكون طويلة وسميكة قليلا ونحضر ايضا فلفل اخضر صغير الحجم ويفضل ان يكون بحجم قطعة الفراخ وايضا نحضر طماطم صغيرة جدا في حجم مكعبات الفراخ .
– ناتي بالعود الخشب ونضع فيه طمطماية وندخلها الي اخر العود ثم ندخل قطعة من الفراخ ثم فلفل ثم قطعة من الفراخ ثم طمطماية ثم قطعة من الفراخ ثم فلفل ثم فراخ ثم طماطم وتكرر هذه العملية ويضعوا في صينية مدهونة كمية وفيرة من الزيت وتدخل الفرن علي درجة حرارة 160 لمدة 15 دقيقة علي جنب و10 دقاتق اخري علي الجنب الاخر .
وتقدم ساخنة ويفضل بان توضع في عيش فينو او كريب مع الخس والكاتشب والمايونيز .
المصدر : موقع ......