[أم نوران]

السلام عليكم ورحمة الله وبركاته

انا كنت كتبت موضوع قبل كدة في حيرة من امر الصوفية

http://www.ruqya.net/forum/showthread.php?t=62802

أنا دلوقتي خايفة علي ديني وبفكر كتير اوي في الموضوع ده لانه زوجي هو الصوفي وأهله
خايفة أفتن في ديني مع اني بحاول متكلمش معاه في الموضوع ده بس احيانا يقابل شيخ او يحضر درس او يقرأ قصة من الكرامات لهؤلاء الشيوخ ويحكي لي
فانا افكر انه كدة هل هما علي حق برضو انهم بيشوفو الرسول عليه الصلاة والسلام ولو كان اللي بيعملوه بدع طيب كان الرسول أخبرهم في رؤية مثلا
يعني في أختلاف في مفهوم البدعة
وبشوف حبهم الكبير للرسول وآل البيت عليهم الصلاة والسلام واحيانا افكر انه حبهم للرسول يشفع لهم ويدخلو الجنة عادي وممكن يكونو أعلي منزلة كمان
و بخاف ادخل معاه في نقاش لانه بيتحول لدفاع وهجوم
أخاف اقول كلام بغير علم علي حد ويبقي في حكم أني أتأله علي الله اني احكم ده كويس وده مش كويس ده هيدخل الجنة ولا النار
لانه بيستفزني في كلامه ويقولي يعني الشيوخ دول كلهم مش كويسين وعلي ضلال وهيدخلوا النار

بخاف اوي وبعيط كتير من اتهام اني مش كويسة ومش بحب الرسول وآل البيت زيهم وبدعي ربنا كتير يبين لي الحق وينور بصيرته وبصيرتي
ملحوظة هما من آل البيت ودايما يزوروهم
وجزئية كمان خايفة البدع والحاجات دي تكون سبب في تسلط الشياطين علينا خصوصا اني عندي سحر وحسد وبحلم بعقد وانا مواظبة علي سورة البقرة كل يومين او تلاتة والرقية الشرعية والاذكار

سؤال مهم
ان معظم شيوخ الصوفية واخدين علمهم بالسند
لكن شيوخ السلفية لم يأخذو علمهم بالسند ولكن من الكتب فقط
ما الرد علي هذا الموضوع