السلام عليكم و رحمة الله و بركاته ...
يشهد الله كم فرحت يوم شفت هالقسم لأن عندي أسأله أبغى أسألها
أنا من عائلة مترصد لها بالسحر و العين ... و رغم ذلك الا اني احاول التخفي عن الأنظار محاولة مني في و قاية نفسي ... نجحت بذلك و لله الحمد و لكن حاليا أمر بأعراض ما أدري وش نوعها و ابغى اعرضها يمكن تعرفونها
من يوم و امي حامل في و هي تعبانه لأنها حملت فيني بعد ما فكت سحر يمنعها عن الحمل وولدتني و من بعدها و انا امرض و اتعافى ووزني صار زايد جدا جدا في طفولتي بالاضافة للبكاء و الصيحه و الخوف الشديد
و من طفولتي الى الآن ترافقني أعراض صارت مني و فيني
اولها السرحان الشديد لدرجه أثرت على حياتي تقريبا 80% من يومي و انا في عالم خيالي آخر مع ناس ثانين
امشى و اجلس و اتخيل نفسى معهم و اكلمهم و احسهم يفهموني ... رغم اني استيقظ اقول وين مافي احد ..!!!
و انا أصارع تعلقي بالموسيقى لأني لاحظت ان الموسيقى تأزم حالتي فمحاولة مني احاول اتركها
حاليا زاد الأمر عندي بشدة ... وزاد النوم عندي بشكل ملاحظ انام مثلا 18 ساعه و اجلس بعدها يوم مانمت
انا كنت احلم بكوابيس ( حيوانات .. افاعي ... البريص ( البعرصي . الضاطور ) قطط تتكلم ... جن
لكن الآن زاد عن ذلك و صرت و انا نايمه احس اني مو نايمة يعني اشوف الدنيا عندي و من ثم اصير مشلوله و ما اتحرك حتى الكلام مقدر و اصير انادي امي و اقول لا اله الا الله و شوي شوي ينشل لساني عن الكلام
و ما اننفس الا اذا احد حركني و صحاني
طبعا اكثر من مرة طوال حياتي رحت عند شيوخ للرقيه و قرأو علي ضمن الناس
عادي مايصير شي يمكن تنميل بالأطراف و اشوف الناس اللي مصابين بأمراض يطيحون و ينصرعون و انا اقول الله يشفيهم ما اخاف يعني لأني متعودة
لكن آخر مرة رحت عند الشيخ قرأ علي حسيت ان نفسي يتسارع بشده بشده انا نفسي استغربت لأنه اول مرة
و صار قلبي ينبض بقوة الين وصل مرحلة حسيت كأنه رجال يرفس بيطلع من صدري الشيخ سألني وش أحس و قلت له و نادى اخوي يحط ايده على قلبي اخوي يقول كأنه عصفور ولا قطوة تتحرك من داخل
الشيخ قال لازم لك قرأة ثانية ولا عاد جيت لأني خايفة مدري وش اللي فيني ولا ادري وش هالنبض اللي بصدري
و الحين انا ادرس و الحمدلله شديت حيلي و لكن للأسف حولي صديقات حسودات ... صرت اسرح اكثر من اول و امرض وقت الاختبارات و انسلخت بالموية الحارة قبل الاختبار و صرت تعبانه منها
و آخر شي صار لي صرت ما اشوف الأسئلة ولا انتبه ولا احل الإختبارات يعني السؤال قدامي اعرف اجابته ولا اكتبه و هذا اللي أثر فيني كثير
بالاضافة للتعب الشديد و الارهاق حتى توصل بي احيانا مقدر اتحرك من مكاني ..!!
الحين انا ابي اعرف وش اللي فيني ..؟؟؟ نفسي ولا عضوي ولا سحر ولاعين
عندكم فكرة لأني خايفة اروح لشيخ اخاف اطيح و انصرع ولا شي و ودي اروح لأني منقهرة على مستقبلي و على صحتي وعلى دراستي
تحسنت شوي يوم جلست اقرأ سورة البقرة يوميا يمكن شهر و شوي بس تركتها الآن مدري ليش
احس نفسي مسجونه ودي اتعلم و ادرس بس مقدر ابدا بس سرحانه سرحانه و اقوم من مكاني ولا قلبي يدق بقوة ولا اشوف كوابيس
فعلا تعبانه تعبانه
جزاكم الله خير