بما أن الصيف دخل قلت أحط لكم طبق بارد خصوصا انه محبب من الجميع وإن شاء الله يعيبكم :
ايس كريم كابتشينو
هذه الطريقة مجربتنها تجربة شخصية وطعمها لذيذ
المقادير
بسكويت شاي
دريم ويب ظرفين أو ثلاثه حسب كمية الكريمة
كريم كراميل ظرف واحد
قشطه 1
كوب حليب نيدو لثلاثة أظرف دريم ويب ونصف الكوب لظرفين دريم ويب
مغلف كابتشينو بالكاكاو 2
الطريقه
نخلط الدريم ويب والكريم كراميل وحليب النيدو والقشطة والكابتشينو بالخلاط لين مايصير الخليط متماسك
نحضر الصينيه مال الأيس كريم ونغمس البسكويت في حليب النيدو ونصف الطبقه الاولى وبعدين نصب نصف خليط الكريمه..ثم نضع الطبقه الثانيه من البسكويت ونصب باقي الكريمة عليه .
للتزيين..
ممكن نرش كبتشينو فوقه بس مانكثر
اوبسكويت بعد مانخليه مثل الطحين
او اي كاكاو سائل مثل ما تحبين .
ملاحظة من عندها حساسية من القمح تضع بسكويت خالي من الغلوتين متوفر بكارفور.
وبالهنا والعافية ...
مع دعواتكم لي....