السلام عليكم ورحمة الله وبركاتة
أخى العزيز / وحدانى
ادعو الله لى ولكم بالشفاء العاجل من هذا المرض حيث اننى أعانى من نفس المرض بسبب زيادة لإفراز الغدة الدرقية من حوالى سبع او ثمانى سنين تقريبا
وجربت كل شى مثلك تماما زيادة على ذلك قمت بعمل حجامة على العين نفسها ولكن الحل بطريقة علمية من خلال تجربتى المريرة هو العلاج بحبوب الكورتيزون (hostacortin h ) ولكن بسؤال وإستشارة طبيب مختص
انت تعرف انى من كبر حجم الازدواج عملت عملية حول فى العينيين وانا بعانى منة لحد الان بسبب انى لسة عامل عملية الغدة الدرقية من وقت قريب وكنت قبلها بتناول حبوب الكورتيزون وبفضل الله جاب نتيجة كويسة جدا معايا بس لما انقطعت عنة وكمان التغيرات اللى بتعملها الغدة قبل العملية نتيجة لذلك رجعت العين زى الاول قبل ما اخذ الكورتيزون
بس انا دى الوقت عملت العملية وهبدأ تانى باخذ الكورتيزون تحت اشراف طبيب وبأذن الله ترجع العين مرة اخرى لوضعها الطبيعى
بس أنا عايز اقولك على حاجة مهمة جدا جدا
أهم من العلاج بأنواعة هى الحالة النفسية ليك وخد بالك من حاجة مهمة إن الموضوع مش كبير قوى زى ما انت بتقول
الموضوع بسيط واحنا احسن من غيرنا كتير وبعدين الحمد لله وحدة على كل شى دى نعمة من نعم ربنا علينا لانة بيكفر عننا ذنوبنا ـ المهم انك تاخد الموضوع ببساطة وعادى جدا وعيش حياتك بطبيعتها واللى كان بيحبك قبل الجحوظ لو بيحبك بجد هيحبك بعد الجحوظ لانة بيحب شخسيتك واسلوبك وطريقتك مش عشان شكلك او شكلى اتغير يبقى خلاص مفيش حد معانا
وربنا يوفقنا جميعا فى الخير ويتم الشفاء لنا على خير وبقولك تانى اهم شى الحالة النفسية لك
فى النهاية اخى وحبيبى اتمنى من الله سرعة شفائك بس ابقى استغفر الله واذكرة كثيرا وادعوة حتى يستجيب لك
والسلام عليكم ورحمة الله وبركاتة
اخيك فى الله
محمد هلال