[صصصبرجميل]

السلام عليكم
بقول لكم سالفتي بالمختصر
قبل 7 سنوات جاني مرض مفاجأ وسويت عمليه المهم وعادي عشت حياتي طبيعيه
بعدها بسنتين رجعلي المرض مره ثانيه وسويت عمليه ثانيه
بعدها 5 شهور رجعلي المرض مره ثالثه وسويت عمليه
طبعاً رجعت البيت وانا طريحة الفراش مو طبيعيه مع ان يقولون كل شي طبيعي بعد العمليه
المهم من المعاناه قررت ارقي نفسي لان كانت تجيني احلام بالقطط كثييييييييره
قعدت 9 شهور ارقي نفسي يارب لك الحمد تحسنت وفي يوم من الايام حلمت حلم ثعبان اسود كبير يلحقني ونفث سمه علي وطحت وكأني اجرحت اصبعي واحاول اطلع السم من اصبعي وانتهى الحلم المهم بعده صارلي ظرف خاص فيني وتسبب لي بوسواس قهري مو اي وسواس اقسم بجلال الله صرت طريحة الفراش من الوسواس ومن المشاعر القاتله شي فوق الخيال المهم بعد 4 شهور بديت شوي شوي اتحسن طبعاً تركت الرقيه من يوم تعبت بالوسواس لاني ماقدرت اكمل
ومن وسواس في وسواس انهلكت ياعالم
المهم حلمت اني جالسه في غرفة ومليانه الغرفه قمل وشعري مليان قمل واحاول امشطه وانتهي الحلم
بعد الحلم بثلاث ايام جاني وسواس دمرني تماماً وسواس خيالات جنسية
من شدتها اقسم بالله اني اشك اني سويت اشياء غلط واقعد اسئل اهلي انا سويت كذا؟ وانهار وابكي
تعبت تعبت تعبت تدمرت بإختصار خلاص اقسم بجلال الله لو الانتحار يجوز كان انتحرت من زمان
المهم الى يومكم هذا وانا اشك في تصرفاتي اشك اني سويت اشياء سيئة مخله مع العلم اني ما اذكر باني سويتها س خيالات مسيطره ومشككه احيانا انهار ويجن جنوني واستفرغ الله يكرمكم من الرعب والخوف .. الحمدلله على كل حال انا تركت كل شي تركت الجامعه وصرت بس في البيت ما اطلع من اللي اعاني منه

تكفون وش قاعد يصيرلي وش قاعد يصيرلي انا تعبت من الحياه اللهم لا اعتراض
انصحوني وجهوني وش هذااااا ؟؟ اناااا اوشكت على الجنون خلاااص معد تفرق عندي الحياه
امانه ماتطنشون علموني وش اسوي انصحوني طلبتكم
الله يفرج همكم وهمي وهم كل مسلم يااارب

انتظر ردودكم