بسمالله الرحمن الرحيم
انا راح اوصف حالتي من البداية
بدأت الحالة معي تقريبا من 5-6 سنين,أول شي مستواي في الدراسة تدنى لأدنى شي,مع العلم اني كنت الين ثالث ثانوي اللي كنت امر فيها بظروف جدا صعبة في البيت مع ذلك استطعت اني اجيب نسبة95%
والسنين اللي قبلها كنت مانزل عن الأولى على الصفوف والمدرسة,بعدها اللي هي من بعد هذي المرحلة بديت أتعب,صرت أرسب بالجامعة,وأحمل مواد,لدرجة اني زادت علي سنه كاملة
صرت اكره الجامعة,ولما امسك الكتاب يجيني نعاس,هذا بالنسبة للدراسة
أما بالنسبة لاهلي والبيت,فحدث ولا حرج,انا وامي صرنا في مشاكل مستمرررررررررررررة بشكل فظيع,مااقدر حتى اناظرها بعينها,وصرت اكرهها,والله وصلت لدرجة اني كرهتها(بس كنت ارجع هذا الشي لوفاة والدي,لانها مرة صدمتني)كنت لما اجلس بيني وبين نفسي أأنب نفسي ع اللي اقوله لها,لاني احيانا كنت اقول لها كلام كبير,صرت اكره بيتنا لدرجة اني كنت مااجلس فيه كنت اروح واجلس ببيت جدي وجلست فيه مرة 4شهور بدون مااروح بيتنا!!!وإذا دخلته عشان اخذ شي تجيني ضيقة مو طبيعية,مزاجي متقلب,اعتزلت الناس وكرهتهم,وكنت احس ان فيني شي غلط وفيه شي غريب,مستحيييييل انام في الظلام,مع اني اول كان عادي عندي انام بظلام,الحين لو تطفى اللمبة وانا بغرفة اخاف بقوة,لدرجة اني لما اكون نايمة النهار ويجي الليل وانا نايمة اقوم تلقائي واولعها(الاباجورة) وارجع انام!!!!دائما احس انه فيه احد من وراي بيمسكني!خاصة لما اكون لحالي,احيانا اسمع صوت نفس,واحيانا احلم ان احد يلمسني بالحلم واقوم وانا حاسة باللمسه في نفس المكان في الليل يجيني اكتئاب مو طبيعي!سمنت سمنة مو طبيعية,شنت,يعني وجهي صار طافي باهت وفيه حبوب وانا بشرتي اصلا صافيه,وعيوني نفس الشي وصارت صفراء(مع اني كنت اول مضرب للجمال ومعروفة بجمالي,الحمدالله)أحلم أحلام مررررررررررررررعبة احلم ان جسمي محروق ولا فيني حبوب بس غالبها حروق والله وصلت معي درجة اني صرت اخاف من النوم,دائما احلم (فيهم ج)يحاولون يدخلوني ,بس اقرا القرآن بالحلم واقوم وانا اقراه,احلم ببسس تناظرني ,ثعابين,صراصير,سحالي وثعابين,ودايما احلم انه ناس يلاحقوني ومااقدر اهرب منهم اذا فتحت باب ابغى اطلع منه يسبقوني ويسكرونه,سمرت لوني سمر جسمي,وخلال هذا كله كنت انخطب وكل خطبه كانت تنتهي بطريقة غريبه!يعني يجوني ناس يسالوني ايش رايك في فلان ونبي نخطب,وبعدين معاد يصير شي!بس كنت احسب انه مافيه نصيب الين مرررة انخطبت من طرف زوج خالتي وجت خالتي بتكلم جدي ع أساس الكلام جد ,بس ماكلمته!ليه ماادريوكنت لما اسالها تقول طيب ومايصير شي الين جتها بعثة وسافرت,وماصار شي,بعدها عرفت انه فيه شي خصوصا اني اعرف وحدة حسودة ماتحب الخير لي وممكن بشكل كبير تكون مسويه لي شي,رحت لشيخ وقرا علي وقال لي اني محسودة حسد شديييييييييييييييييييييييييييييييييييد,وبس!لكن انا كنت الاحظ نفسي كنت اتعب لما يقرا علي ايات السحر والمس(مع العلم انه عيا يقول لي ايش فيني الا بعد مانا اصريت عليه,كان يقول لي ماراح يفيدك اذا عرفتي,انتي اتكلي على الله واستمري بالقراية)طبعا انا راح اقول لك كيف كان يقرا علي
اولا كان دائما يقرا على بطني وبالتحديد على سرتي,وفي اذني,وعلى ظهري وكان يمسح بيده على ظهري وصدري وبطني,وكان وهو يقرا يضغط بايدينه الاثنين على صدري(يعني يحط ايد ورا على ظهري وايد قدام على صدري ويضغط يقوة وكنت مرررررة ارتاح لما يسويها)خلال القراة العادية كنت ادوخ يعني راسي احسه مو قادرة كتوفي تشيله,ورقبتي تنشد,وكتوفي بينهم الم فظييييييييييييييييييييييع لدرجة اني لازم ارجع كتوفي لورا من كثر الالم,اما مع قراية ايات السحر اصير ابكي غصبا عني ,بكاء المقهور والمكبوت,كمان كان مع القرايه يضغط على ارحامي ويرفعها فوق,ومرة ضغط على المنطقة الحساسة بقوة برضو ضغط على فوق(طبعا هذا بحضور اهلي معي)اللي صار لي مع القراية هو التالي
بطني انتفخ (اللي هو ارحامي مو المعدة)لدرجة اني صرت كاني حامل
العسل لما اكلة ناااااااااااااااااااااااااااااااار في بطني وشعور بالغثيان فظيع بس مااقدر استفرغ
مع وحدة من القرايات اللي قرا فيها ايات السحر رجولي صرت ماحس فيها!لدرجة اني امشي زي المعوقه
صارت عندي حكة مو طبيعية بالمنطقة الحساسة مع افرازات صفراء بس بدون ريحة
اتجشا كثير
صدري صار يؤلمني
وصلت مرحلة معدتي فيها كانت تؤلمني لدرجة اني معاد صرت حتى اشرب كويه من العسل
طبعا هذا قبل يمكن 5 شهور,والشيطان لعب علي وكرهت الشيخ وكرهت يومه وكرهت حتى ريحة العيادة حقه,هذا طبعا بعد آخر قراية قراها علي وقرا فيها ايات السحر وتشنجت فيها ونمل جسمي كله
كرهته,وكنت اتضايق منه لما يقرا علي من تحت فتركته(مع انه شيخ محتتتترم وماسوى شي وكل اللي سواه قدام اهلي بس انا اتضايقت او مدري اللي فيني تضايق!)
بعدها تركت كل شي,القران والمويه والعسل والسد والزيت كل شي تقريبا 3 شهور
بعدها رح لحرمة ترقي وتقول ايش في الواحد(وانا كنت ابي الشيخ يقول لي بس هو كان رافض)
فقالت لي نفس كلام الشيخ اني محسووووووودة حسد شدييييييييييييييييييييييييد وممسوسة!بس مو من سحر لا من عين
قالت لي اني ذكرت في مجلس بدون مايذكرون اسم الله فدخلت فيني عين اهل الارض وصار واحد منهم لي عاشق!وقالت لي اقرا سورة البقرة وسورة يوسف واركز على الايه اللي بدايتها(وراودته التي هو............)واحط ايدي على بطني وانا اقراها,وقالت لي ان هذا هو السبب اللي يفركش لي الخطب ويمنع عني الزواج(على فكرة فيه واحد كان بيخطبني واستمرالكلام تقريبا سنه وشوي بدون خطبة او كلام رسمي بعدها خطب وحدة ثانيه,وكنت احلم بعدها ان امه واخته يكونوا جالسين بمكان مافيه احد الا احنا وانا اكلمهم ولا يناظروني كاني مو موجودة ,او كان بيني وبينهم قزاز مايشوفوني منه!وقبل خطبته حلمت بنفس الحرمة اللي انا اشك فيها انها تناديه يجيه وفعلا راح وتركني وقال لي خليه لمصلحتنا)
الحين لي شهر على الرقية سورة البقرة ويوسف قريتها اسبوعين او ثلاثة,بس ماحسيت أنها سوت شي وصرت اقرا الحين مع ابقرة يس,والصافات,والدخان,والرحمن,واحس اني لتعب لما اقراها وجسمي يصير حار,ومع الرقية صرت الاحظ ان صدري رجع يالمني,والحكة رجعت مع حرقااان بس يوم وراحت بعد مادهنت بالزيت,والم شديد اسفل ارحامي يعني احس انه فيه عرق مشدود بالضبط مكان الحالبين,صرت احس اني متشتته يعني مافيه تركيز,لو ابغى احفظ ايه مااقدر,مع رجفة ورعشه اغلب الوقت,شعري صار الحين يطيح بشكل مو طبيعي لدرجة اني اقوم والاقي فراشي كله شعر!
صرت استثقل الصلاة والقرايه(وانا عارفة انه من الشيطان)بيتنا فيه نمل مو طبيعي ودايم يقرصني ويشوهني,وايديني وخاصة اصابعي كثير تكون منملة ومااحس فيها,مفاصلي مرررة تالمني,والحين صرت الاحظ اني فجاة ممكن تنزل مني قطرات بول(وانت بكرامة)غصبا عني!مااقدر امسك نفسي!وكمان اقوم من النوم والاقي افرازات صفراء,وصدااااع.
قراة الشيخ استمريت عليها 3-4 شهور وحلمت فيها حلم مدري هو حقيقي ولا من الشيطان
حلمت انه اخوي يقول لي ان العمل اللي معمول لي في الجبس حق الغرفة اللي بالوسط اللي معلقة فيه اللمبه! وقبلها حلمت بوجه يخوف يناظرني من نفس المكان اللي مكان اللمبه وهو معصب ويناظرني نظرات تهديد,فلما فكيت اللمبة مالقيت شي!
والحين لما رجعت للرقيا حلمت حلمين بالشباك حق غرفتي,الاول انه بنت صغيرة بس عيونها تخوف يعني نظراتها مو بريئة تناظرني من ورا الشباك وكانت تتكلم كلام مو متركب بس اللي فهمته انه هي مو مسلمة وتقول لي انتو ماتقبلتونا وماادري ايه كلام غريب,وصرت احاول اسكر الشبك لانها تحاول تدخل,وقمت وانا منهكة وجسمي كله يعورني
وقبل يومين حلمت بنفس الشباك ونه هذي المرة حرمة مو بنت تناظرني من ورا الشباك,قامت امي كبت عليها مويه والظاهلر انها مويه مقري عليها لانها هذي الحرمة صارت تصيح وهاجت و عصبت وصارت تحاول تفتح الشباك تبي تدخل وانا احاول اقاومها قدرت تفتح شوي من الشباك وتدخل يدها بس على طول صحيت من النوم ونفس الشي منهك و وجسمي وخاصة عضلات ايدي اللي عند الصدر تؤلمني كاني حقيقة كنت احاول ادف واسكر الشبك!
اما الحلم اللي اليوم حلمته فابوي وهو متوفي,كاننا في بيت لنا مو هنا بالرياض,وكان ابوي طلع من علبة تفتيش اللي بالاحواش مربع وقل لي هذا السحر اللي معمول لنا,وقال لي لقيت فيه من شعري انا.وشعر اختي وانه اللي مسويه ماخذ من كل واحد فينا ومسوي العمل لنا كلنا,وكان ابوي بالحلم يقول العمل اللي له انه مايقدر يخلف,وهو بالحقيقة بيتنا هذا من يوم سكناه وامي وابوي كانوا في جحيم الين مانفصلوا بعد 9 سنين وتوفى ابوي بعدها بسنه,خلال هالسنين فعلا ماكان بين ابوي وامي العلاقة اللي بين الزوج وزوجته
سؤالي هو هل هذي الاحلام لها معنى؟ولا هي من الشيطان عشان يضيعني؟
وايش حالتي انا بالضبط؟لاني ابغى اصير ارقي نفسي بنفسي وانا مستعدة باذن الله لكل شي,بس ابي اعرف هل انا مسحورة؟ولا محسودة ولا الاثنين مع بعض؟انا عارفة اني انا ممسوسة بس ابي اعرف بالضبط عشان اعرف اركز على ايه بالضبط,ابي اعرف الاشياء اللي تضعفه وتنهكه
الرجاء الاجابة علي هذا اللي قدرت الم فيه واتذكره وسامحوني لو طولت
وجزاكم الله خير
ولا تنسوني من دعائكم