[ندي لطفي]

السلام عليكم ورحمة الله بالفعل هو موضوع هام جدا بس الحقيقة ما قالته اختي العزيزة قمر صعب جدا كتم العصبية ضار جدا للجسم واحيانا قد يؤدي لامراض مثل الضغط وغيرها والحقيقة انا كمان كنت عصبية لكن اللي يشوفني دلوقتي مش هيصدق اننا نفس الشخص لدرجة ان افراد اسرتي تعجبوا لان الناس بره وزملائي في العمل بيقولوا اني هادية هقول لكم الوصفة سمعتها مرة من دكتور في علم النفس احنا بنتعصب لما بيزيد التوتر ونحس بالعجز وان احنا مش عارفين نعمل اي حاجة الحل ان الشخص اول ما يشعر بالضيق من اي شيء يلجا لكراسة او نوته ويبدا يكتب ما يضايقة يعني زي كتابة المذكرات بالضبط وشوية بشوية هنتعلم نطلع مشاعرنا علي الورق بدل من مواجهة الناس بها والاخت قمر معاها حق انا زمان دائما كنت ابقي علي حق وعصبيتي بتضيع حقي دلوقتي هدوءي خلاني عرفت اخد حقي كويس مش بس كده الكل بيعمل لهدوءي الف حساب لانهم عارفين ان وراه عقل بيفكر ازاي يرد