[النسمة البارده]

اختي اميره لاتعبي حالك بسؤال عن هذي الحاله لان ماحد يعرف لها تفسير صحيح وثابت لا من الرقاة ولا من الاطباء ولا راح يشعرون بما تشعرين به او تحسينه اعرف هذا الشعور وعانيت منه ولا حصلت كلام مفيد او مقنع عن هذي الحالة
انا بالنسبة لي استخدمت الادوية النفسيه ساعدتني كثير اني ارجع امارس حياتي بشكل طبيعي خففت من احساسي بغرابة الناس والعالم قدرت اتاقلم مع زوجي واطفالي على الاقل لكن لازلت احس اني مو طبيعيه فيه شي مو طبيعي فقدت احساسي بالحب احساسي بالسعاده مجرد شعور باالالم والحسره والقهر على حياتي السابقه ويالله هذي الاحاسيس ولا التبلد الكامل اللي مريت فيه مع بداية استخدامي للعلاج
اختي اميرة نصيحه لوجه الله يمكن تكوني دخلت عالم هذا المرض قبلي بشي بسيط بس ابغاك تعرفي ان ماحد راح يساعدك غير نفسك انا كل من حولي مدوا لي يد العون ولا انكر فضلهم علي بس ماقدروا يطلعوني من الحالة اللي انا فيها
انا صرت اخاطب نفسي بانه هذا اللي قدره الله علي راح ارضى فيه مهما صار حتى لو انجنيت مجنونه وماعلي حرج ولا راح احس بالم كوني مجنونه يعني اذا فقدت عقلي ماراح احس بالشعور المخيف بفقدان العقل مثل الان
رضيت وسلمت امري لله فسلمي امرك لله وعالجي نفسك بنفسك ولاتتعلقي براقي او غيره
لاني لفيت على نص رقاة المملكه وما استفدت حاجه غير زياده الالم والمعاناة وصرف اموال لاتعد ولاتحصى من اجل قراءه يقراءها علي من يدعي انه راقي لاتتجاوز 5 دقايق وماء وزيت ادفع كل ما املك
الان من سنة بطلت اروح رقاة بطلت اقرى مواضيع عن الامراض النفسية والروحيه اعيش يومي مع زوجي واطفالي رغم تقلب حالتي النفسيه كل دقيقه لكن يمضي اليوم بحلوة ومره وانتظر الفرج من الله
اسال الله العلي العظيم ان يفرجها علي وعليك وعلى جميع اخواننا المسلمين