السلام عليكم
مشكور اخوي معالج متمرس على ردك واهتمامك
انا اتخطبت من حوالي شهرين
وخطيبي بيقرب لي واخلاقه عالية جدا ومحبوب من الكل
مو ملتزم مره بس ناوي الالتزام مكمل دراسته وبيشتغل شغلانة ممتازه
عجبني فيه اهتمامه باهله ووالدته بالاخص وعرفت انه اخدهاعل العمره
في رمضان الي فات
المهم رضيت بيه وتمت الخطبة وانا رفضت اني اعمل حفلة لاني عارفه
انو حيكون بمسيقى واختلاط والخخخخخ
وطلبت انو اهلو يشرفونا ونتعشا سوا وبس
بعد ماتمت الخطوبه
بدا اتصالات واصر انو يشوفني انا رضيت على شرط ازا حابب يشوفني
يشرف بيتنا وبحضور اخواتي وافق
وكنا بنتكلم في التيليفون بشكل شبه يومي وكل شي كان تمام
الين ما جانا البيت وقضينا نهار وكل شي عدى على خير
بس بعدها بطل يتصل عليا واتغير عليا مرة واحدة
وعرفت انو كان مرض فتصلت عليه اطمن
فصارحني انو معمول له عمل وانو صعب نستمر
كل الي فهمتو انو اناكنت سبب مرضه يعني مرض لما شافني
ايش طبيعة المرض مش عارفة
المهم طلبت انو اشوفه تاني عشان اتاكد انوفعلا انا الي كنت سبب مرضه ولا لاء
وفعلا اتلاقينا تاني
وبرضو بطليتصل عليا
اتصلت عليه وطلب مني انو ننفصل لمده ممكن تطول لشهرين
انا رفضت بس اهوا اصر
طلب مني في اكتر من مرة انو مااتخلى عنو وكان بيقلي
ازا ضربتك او اهنتك راح تتحمليني ازا سبت لك البيت راح تتحمليني
قال انو بيخاف من مرضه وانو بيخاف انو يخسرني
بس بحس انو ايمانه ضعيف والخوف غالب عليه
قال مرة انو واحدة قالت له انك راح ترتبط بواحده بس علاقتكم
راح تنتهي وحتفضل زكريات جميلة انا قلت له عرافه بتروح عند عرافات
قال لي كان بالصدفة
واتصلت عليه في يوم وعرفت انو في باريس قال لي راح اتصل عليكي لما
ارجع ما اتصل طبعا فلما اتصلت عليه قال لي
انو سبب سفري انو ناس نصحوه انو يسافر ويرجع لانو هادي عين
انا زعلت وقلت له هادي خزعبلات المفروض ماتؤمن بيها
ومن يومها مابتصل عليه ولا بيتصل عليا
عرفت من زوج اختي الي هوا صحبه انو اختفى وانعزل من الناس
حتى اصحابه والمقربين له
انا مش عارفه استمر معاه ولا انهي خطوبتنا الي مااستمرت شهرين
انا عارفه طولت عليكم
اعزروني
واشكركم على سعة صدوركم
والسلام عليكم
اختكم س احمد