شوفوا الله يسلمكم أنا كنت بأغير الاضاءة في غرفتي (الثريات) اشتريت أربع صناديق وحطيتهم عند باب الغرفة بس بسبب اهمالي ظلت فترة في مكانها لحد ما طلبت الكهربجي يركبها قبل ما يجي الكهربجي قلت خله ادخلها في الغرفة شليت ثلاث صناديق ودخلتهم يوم جيت بأشيل الرابع إلا اشوف ام أربع واربعين ودخلت بسرعة غرفتي دخلت وراها بس اختفت أنا اتوقعت انها دخلت في فتحة في نعال الغرفة (ما اعرف شوه تسمونه اللي يكون بين الارضية والحايط) قمت قلت خلني أكسره (الخوف من الحشرات) المهم ما قدرت اكسره دزيت شوي بالاستعانه بالسكاريب بس ما حصلت ام اربع واربعين حصلت شي مثل الكلينكس فيه بودرة اتخيلوا ورا النعال يعني من سنين ( كانت غرفة اخوي وزوجته ولما انتقلوا صبغتها وانتقلت لها)
شوفوا شوه سويت يبنا ماي وخلطناه في الخلاط مع سبع ورق سدر وقريت عليه آيات فك السحر وبعدين شربنا انا وخواتي منه ورشيت جزء في الغرفة وجزء حطيت فيه الكلنكس وما تبقى من البودر حيث أن جزء منه سقط في محاولاتي لاخراجه من ورا النعال وخليته في غرفة اختي ...
بعدين صارت مشاكل كبيرة لاخي في عمله لدرجة انه كتب استقالته قمت بعد حوالي 3 أيام وخفت ورميت الماي واللي فيه في المجاري بس مشاكله ما انحلت ....
المشكلة الحين كبيرة ويمكن نترك مدينتا بسبب هاي الخلافات ... الله يخليكم ساعدوني .. أرجوكم هو اخي الكبير وما ابغي احس اني ضريته وضريت كل اهلي.... هو الى الان ما قدم الاستقالة