[الروح والريحان]

السلام عليكم ورحمة الله بوركاتة

قرأت الكثير من القصص في هذا المنتدى مماشجعني لاضافه ما حدث لي في يوم من الايام

كان عمري 15 سنه وكان عند امي مراجعه في المستشفى قعدتني من النوم وقالت لي روحي نامي عند اختج الصغيره ( كان عمرها 3 شهور ) على ما ارجع من المراجعه

رحت الصاله حطيت لي فراش ولاختي الصغيره فراش قريب مني عشان اهتم فيها على ما ترجع امي

في هذيج الايام ما كان في تلفونات نقاله كان بس تلفون البيت الارضي وكان والدي بالعمل يتصل على امي عشان يتأكد انها راحت المراجعه مع اخوي

رن التلفون ردت عليه امي كان الوالد قالت له انها للحين ما راحت وانها بعد شوي راح تطلع لانها صحي اخوي ونومه ثقيل ما يصحى بسهوله

بعد ما صحى اخوي وراحت امي قالت لي انتبهي على اختج وعلى التلفون اذا اتصل ابوك قولي له اني رحت خلاص

وفعلا بعد خمس دقايق من خروج امي للمراجعه رن تلفون البيت كان الوالد قلت له امي طلعت المراجعه وصكيت التلفون

لما رفعت راسي طالعت لباب الصاله لقيت ابوي واقف على الباب الصاله ويطالعني ويضحك لي ضحكة تخوف كان يشبه ابوي في كل شي طوله ملامحه لون بشرته كل شي بس الضحكة لا مو هذي ضحكة ابوي كانت ضحكة مخيفه حتى كان لابس لبس العمل حق ابوي

حسيت بالخوف طالعت فيه وما تكلمت ولا كلمه رجعت ببطء لفراشي اخذت اختي الصغيره وحطيتها في حضني قربتها مني حيل غطيت راسي بالغطا مالي ما بين مني ولا شي

قعدت اقرا المعوذات واتعوذ من ابليس واسمي

كنت اقرا في قلبي بس بخوف وكنت الخبط وانا اقرا ونمت وما حسيت في نفسي الا يوم امي رجعت البيت فتحت عيوني على صوتها

قلت لها الي صار قالت لي سمي باسم الله وتعوذي من ابليس يمكن كنتي تحلمين

قلت لها يما انا كنت صاحيه ما كنت نايمه الي شفته صج امي صدقتني قالت لي اهم شي دايم تعوذي من ابليس واقري المعوذات لما تبين تنامين

القصه هذي صار لها 12 سنه للحين مو قادره انساها اتذكرها بتفاصيلها

الحمدلله الي نجانا وكفانا شر الي شفته منقووول