اقتباس: المشاركة الأصلية كتبت بواسطة محمد البراك السلام عليكم ورحمه الله وبركاته >> انا بدخل في الموضوع ع طول ياخوي صقر والله والله ماتعرف قد ايش ريحتني بموضوعك لاني كنت تعبان بالمرة ومادري وش فيني وصرت اوسس من كثر مافكرت بالي فيني لدرجه اني كم مرة حاولت اروح لدكتور نفسي لان الي جاني جاني فجة ومادري من شنو تغيرت كل شي بحياتي اصرت احس بحاسيس غريبه واخاف من كل شي لدرجه اني اخاف من وجيه الناس واخاف من الكبار في السن والله اغلب اعراضك بدون تفصيل صارت لي كنت اموت في اليوم 1000 مرة ولادري وش فيني وانكتم واحس يالله اطلع نفس وحتى اذا بتثاوب مو قادر اتثاوب من ضيقه النفس وكل الي حولي مو حاسين فيني وكلهم يقولون انت موسوس ومافيك شي وانا احاول اوهم نفسي انها بس وسوسه بس وربي ارجع نفس اول بس انا قبل هالشي جاني حصوه بالحالب وكان معي قبل تجيني الحصوه تفكير غريب وفكري يتشتت وكانت معدتي تعبانه وقلت يمكن من الحصوه وعالجت الحصوه وبقاء هالتعب والضيقه والوسوسه الله اعلم بحالي وربي كنت اعوذ بالله حتى افكر افكار ماتنتفكر بس الحمدلله خفت تدريجيا وبدون علاج بس والله والله بعد ماقريت موضوعك خفيت 180 درجه احس ان فيه ناس يحسون بالي فيني وانا الحين بس احس بنتفاخات بعد الاكل وضيقه في النفس والام احيانا بوسط صدري خصوصا اذا جيت انام وش تنصحني فيه ياخوي ولك مني الشكر والعرفان والله يشفيك ويشفي جميع المسلمين وتراني مسجل في المنتدى عشان اتابع موضوعك واستفيد منه اتمنى ترد علي بسرع وقت وعليكم السلام ورحمة الله وبركاته ياهلا فيك أخوي محمد البراكـ الله يكون بعونك وعوني وعون كُل مبتلا بإبتلاء سحق الأبدان الحمد لله اخوي انك ارتحت وقراءت وعرفت ان في ناس حاسين فيّك لأنه بالفعل شعور سيئ انك تشعر بأن في ناس ماهم حاسيّن فيكـ وانا حصلت لي والله يا اخوي اول ما جاني هذا ما يسمى القولون العصبي كنت اشتكي لكن يقولون تتوهم وفيك حاله نفسيه وما الى ذلك والله يا اخوي محد وقف معيّ اله واحد من ربعي الله يجزاه خيّر صحيح الي بصحه وعافيه ما يعرف مقدار النعمة واللهـ بعضهم اهم شيء انه بصحه وعافيه بكيفك انت بس اهم شيء تروح معاي وتجي معاي وتواكب هذه الأعراض ماهمني مافي حتى كلمة تشفي القليل وتطيب الخاطر ليه عاد ويش ها القسوه وصار عندي مثل الرهاب الإجتماعي رغم اني كنت جريئ مره ما اخاف من شيء قطني بأي مجلس رجال اي شيء ما اخافـ اله ممكن المسرحـ في جمهور كبير كذا يكون فيني خوف بسيط اكون في الوجه طبيعي جداً حتى اصدقائي يوم كنت اقل عمراً من الآن يستنجدون فيني سو كذا وتعال خلك في وجه وما الى ذلكـ الحين يكون عندي نوع من الخوف اذا مثلاً بألقي موضوع او شيء ما اقدر صعب والوسواس يداهمني واصلاً احياناً اذا جيت بأفرض راي بس او أكلمك احد يجيني خوف وعدم وثوق يعني شيء عادي يجني هذا الشعور واعتقد هذه من الأعراض طبعاً ولا احد يهتم ابداً واللهـ لو اني ماني غريب من ربي كان انتحرت او استجنيت والله مريت فيها اخوي لكن بعد ما فهمت مرضي شوي حطمت كل الي ينظروني بنظرة يفكرون اني غبي او مختل عقلياً وصرت افضل منهم عقلانياً لكن المعاناه طبعاً ما زالتـ بالنسبة لنصائح اخويـ :- يمكن انك مصاب بالقولون العصبي لكن قولي ايش اعراضكـ ؟! وكيف وضع معيشتكـ يعني تروح للجامعه او العمل بشكل متنظم ماشيء في حياتكـ ان شاء اللهـ وإن كنت بالفعل مصاب بهذا المرض اليك تعليمات مبسطهـ :- - ابتعد ابتعاد كُلي عنـ [ البقوليات ( الفول - العدس ) وبقيت مشتقاته ] ايضاً [ المشروبات الغازيه - الوجبات السريعه الي تُعمل من المطاعم الأمريكيه - قلل بشكل كبير من القوه و الشاي حيث المشروبات الي تحتوي على نسبة كافين ايضاً البيض قلل منهـ ] - من خلال تجربتكـ مع مرضك تعرف ايش الي يضرك وايش الي ما يضركـ وتعرف بعد انه في بعض الحاجات اذا كانت معدتكـ عاديه ممكن تتحملها فتاكلها اذا اشتهيت ، انت الي راح تعرف تتحكم بالي فيك ماهو الدكتور لأني جربت كلامهم وزادت معاناتي طبعاً ماهو الكُل البعض والأفضل مريض القولون هو الي يرتب اموره على الشكل المطلوب - في الأفطار اذا احببت ان تُـفطر اجعل حليبكـ ابيض مضاف اليه زنجبيل ينفع كثير في طرد الغازات و تلييت المعدة و الهضم - ابحث عن معلومات عن مرضك في اليوتيوب مثلاً تثقف اكثر حيث تتمكن منه ولو بنسبه بسيطهـ - كون قريب من الله بالدعاء في اوقات الأستجابهـ منها [ مابين الأذان والإقامهـ - في الثلث الأخير من الليل - وقت نزول المطر ] - اجعل اكلكـ قليل لا تأكل كثير حتى لو رأيت معدتكـ جيّده لأن القولون خداع تشوف نفسك مرتاح وتدق بلأكل فجئه تتضايق من بطنكـ - انصحكـ اخوي بأستخدام عسل اسمه عسل اليانسون انا اخذته من محل بالرياض اضع ملعقتين عسل في كوب ماء واخلطه ويكون اول شيء اتناوله صباحاً بالفعل ارتاح كثير وينزل احياناً معي اسهال الله يكرمكـ - ايضاً اخوي انصحكـ بالهدي النبوي الي نصحنا بهـِ الرسول صلى الله عليه وسلم مثل : التلبينة - والقسط الهندي وكلاهم نافع جداً للقولون احرص على اكل التلبينة وانت جائع لا وانت نصف شبعان ويفضل يكون في الصباحـ اول ما تتناولها اذا اردت اما القسط الهندي لابأس بهـ بعد الوجبهـ لأنه طارد للرياحـ ويزعج الجان او الممسوس - احرص على الرقية الشرعيهـ اخوي - لا تخلي المرض شغلك الشاغل في جميع الأوقات يعني اذا كان ياخذ من تفكيرك 80% خليه ياخذ 50% المهم ما يكون شاغلك كثير ومافيه اله اهوا في بالكـ اخيراً اخوي ممكن تتساءل من ايش اتاني هذا المرض ! ! هذا المرض ماله سبب محدد بحسب قول الأطباء لكن يقولون يأتي من الأكتئاب والزعل والضغط النفسي بحسب كلام الأطباء وبعض خبراء التغذيه نفس كلامهم ويضفون على كلامهم انه من سوء التغذيه والعادات الغذائيه السيئهـ المتبعه مثل الأكل والنوم مباشرةً والزيادة عن الشيء في الأكل الضار للبدن مثل المشروبات الغازيه والوجبات السريعه استخدامها بكثره وهذه الأعراض احياناً يكون الشخص مصاب بعين او مسـ لسمح اللهـ لكن في الغالب تكون قولون عصبي اذا ثبتت أكثر اعراضهـ ربكـ يعينكـ ويعيني يا رب ويشفينا شفاءً شفاء لا يغادرو سقما يارب