اقتباس: بالنسبة للوسواس الي اكلمك عنه اول شيء تدري ايش هو الوسواس الي اقصده ؟! يعني اهوا ماهو شيء يكلمني في عقلي لا تحس شيء يلعب بعقلك مع صداع او صداع متنقل يخليك متشتت عقلياً ويتعب العقل هذا الوسواس الي احدثك عنه هـذآ الشئ الي كان مبهذلني لأنك صعب تشرحـه لأي دكتور وبيفكر انك تبآلغ شوي لاكن انا جربت حل يخفف هالحالة وهو المشي يساعد كثير ,,, لاكن اهـم شئ لاتستخدم اي ادويـة مثـلآ ادوية القولون لأن عن تجربه سنتين هـي تزيد الطين بلـه وتجي بأعرآض جديدة ونتائج عكسية اذا لـزم الامـر استخدم ادوية شعبية وطبعا انت اكيد جربت الادوية ولا والنتائج 0% بالنسبة للعلاج الطبيعي مأدري تقصد ايش بالظبط وياليت تذكر لي الا شياء او العلاجات الي افادتك وخففت الاعرآض .. بالنسبة للاسباب انا متأكد ان في سبب لأكن قـد يكون جاء المرض تدريجيا او بعد فترة وهذا مايخليك تفكر باسباب قريبة والنظام الغذائي والمشروبات الغازية 99% من الناس الي انا اعرفهم نفس النظام والعشوائية واكلات المطاعم بالعكس ممكن انا دايم احاول قدر الامكان ابتعد عن الاكلات المضرة ... والقولون الي يتكلمون عنه الناس في الانرنت والمعروف لايقـآرن ابدا بالمشكلة الي عندي وعندك فرق شآسع جدا لأن الي يتكلمون عنه والقولون المعروف ربمآ يعرفه او قد اصاب الكثير في فترة من الفترات ويتخفتي ثم يعود وهو معروف انه اسبابه الاكل غير الصحي والزيوت وهذا منتشر وبصراحة نعمه عند المشكلة الي انا اعااني منهـآ يعني عني انا شخصيا مابقى فيني عضو في جسمي مااتعب منه صداع خمول ضعف نقص حاد بالوزن تساقط بالشعر عدم القدرة على انجاز اي شئ وماكنت متعود على كذآ لأني ماحب الجسلة ودايم ريح جاي ولاكن انجبرت اني الازم البيت لأن احيانا تصير فيني نوبات الـم شديدة ... غير الام المغص ومشاكل الجهاز الهضمي بأكملة والم بالخصر الايسر وعدم الاحساس بطعم الاكل احيانا تشتت بالتفكير تشتت بالنضر وضيق في الرؤية ..والكثير اخر هذي الاعراض قـبـل فترة لاحضت دائرتين بوجهي داكنه وواضحة وصايرة كأنهـآ حرِق استغربت ومرة كنت منوم في المستشفى سألت الدكتور قال لي احتمال من مشاكل المعدة يعني كل شئ صار من القولون والمعدة ... بصراحة انا عندي عقده من ناس حولي لو توجعه رجله قال سحر ولا عين ولاكن رقيت نفسي وقريت قرأن والحمدلله مافي دلائل يعني تجي اشياء بسيطة واحطها بقائمة الوسوسه مثلا اغلب الاوقات اذا صليت صلوات الجهر وقريت القرأن يجيني اهتزاز بالصووت قوي يعني تسمع صوتي كأنه يرتعش مع اني عاادي ماارتعش ولا شئ واحيانا مااقدر اكمل بصوت جهـر .. جربت العسل وماء زمزم تخفف مشاكل المغص واشياء خفيفه .. ولاكن اذكر مرهـ رشت علي الوالد ماء مقري فيه وحسيت كأنه حرق بالجلد يعني جدا لايحتمل حتى اني سالت الوالده اذا الماء في شئ وقالت انه ماء عادي ولا في اي شئ ... هذا فقط الي حصل لي ولاكن ليس كما يذكر انه عندما يقرا القران يستفرغ او يشعر بغثيان وضيق وغيرهـ... نرجع للاسبآب انا حطيت اسباب كثيرة في القائمة وحاولت اني احصرها .. انا قبل لاتصير فيني المشكلة بفترة كنت قطعت التدخين وقلت يمكن احد الاسباب برضر تقريبا وقبل اسبوع كنت مسافر للخفجي وكان الجو بارد جدا وحسيت اني تعبت من البرد وحطيته من ضمن الاسباب انه ربما يكون البرد هو السبب .. السبب الاخير والي هو بنفس الاسبوع الي مرضت فيه افطرت كبدهـ بطريقة احد المطاعم وحطيتها من ضمن الاسباب ايضا انا بنفس الليلة الي مرضت فيها استفرغت شئ كالزيت الاسود شئ اسود حالك يعني لو رأيت هذا الشئ في غيري لقلت انه زيـت لأن اللون اسود بمعنى الكملة .. ولاكنني طنشت ولا رحت للمستفى إلا بعد يومين بعد مازادت الحالة معي والغثيان والام البطن هـنـآكـ شئ اخيـر .. من خلال تجربتي اهم شئ الاكل يكون كـل شئ مسلووق مهما كانت الضروف والابتعآد عن (القهوه) بالذآت والمشروبات الغازية والاطعمة المشوية او المقلية .. انا بالنسبة لي (الخـس) لـه اثـر كبير ومفيد وريح كثير اتمنى ان يشفي الله الجميع وان يكون هذآ الموضوع فائده لغيرنـآ ونذكر في تجاربنا والاشياء الي تفيدنـآ لأنه بصراحة كنت مفكر ان هالحالة استثنائية ومعاي انا فقط يعني تحديدا بنفس الاعرآض لان من فترة كنت اشوف كثير ناس عندهم قولون لاكن ليس كمثل حالتي وهذا الي خلاني افكر كذآ تحيآتي لك اخووي صقر الشرقية واسف على الاطالة