[حسن المجالي]

السلام عليكم ورحمة الله

من قبل 3 اشهر اكتشفنا بالصدفه ان بنت عمرها 31 سنه كاين متلبسها جن وعند شيخ راقي خرج ورجعت لحالتها الطبيعيه

وبعد اسبوع رجعت لنفس الحاله وصوتها بروح كلياً وبتصير تحكي بلهجه غريبه احياناً بالغه العربيه الفصحه واحياناً عربي مكسر مثل الاجانب

البنت ملتزمه بتصلي وبتصوم وبتقرأ قرأن ولكن عند سماع الرقيه الشرعيه ما بتقدر تسمع وبصيرو ايديها يتحركو مثل الافعى وتصرخ من وجع الراس

يومياً منروح عند نفس الشيخ وبحكي مع الي فيها ويا باسلم وبطلع يا بحرقو بالقرأن وبس ترجع عالبيت بترجع نفس الحاله وبتحكي بصوت ثاني

3 شهور على هالحال ورحنا عند اكثر من شيخ وكلهم بحكولنا هذا مش تلبس ولا جن وولا حد قدر يعالجها حتى هيه بطلت قابله تروح عند حد بس وضعها صعب ومش عارفين شو نعمل

وهذا الشيخ الي منروح عنده كل جلسه بياخذ فلوس وبطلنا قادرين ندفع

جربنا كل اشي الرقيه الشرعيه وزيت مقروء عليه الرقيه الشرعيه وبتغتسل بماء مرقي وكل شيخ بيعطنا وصفه وولا اشي زبط

ارجو الأجابه على استفساراتي هل هو فعلياً مش جن ..؟؟ بالعلم انها بتتحرك مثل الافعى بحركات اديها ,, بتحكي شغلات غريبه وبتشوف الي بداخلها اذا اتطلعت بالمراه وبتشوف افعى
والي فيها لو شو ما سئلناه بجاوب حتى بحكيلنا انه في حد برش سحر حوالين البيت ورشينا ماء مقروء عليه ايات فك السحر

ارجو الاجابه جعله الله في ميزان حسناتكم وان بتعرفو راقي قوي ومتمرس وقادر على علاجه لا تبخلو علي بالعنوان انا بالاردن وان تطلب الامر اخذها على السعوديه ما عندي مشكله