[مدري؟]

السلام عليكم ورحمة الله وبركاته

انا بنت عمري 19 سنه متزوجه ليا متزوجه خمس شهور
حالتي بدأت من وانا في بيت اهلي من لما كنت صغيره
وانا نايمه كنت احس اني اطيح من مكان عالي
بعدين فتره انقطعت وبعدين صارت تجيني بطريقة احد يضربني ويمسكني ويطيحني
لكن انا ما اشوف احد بس احس اني انضرب

وانقطعت فتره طووويله جدا بعد ما التزمت في صلواتي وقرأة القرأن لاني اول كنت صغيره وجاهله يعني المتوسط والثانوي مرت هذي السنين وانا ما افوت فرض ولله الحمد
لكن الغريب انها رجعت لي بشكل غريب
كأنه احد يمسكني ومره يرفع رجولي وكل مره يزداد الوقت
يعني كانت المره الأولى شوي
المره الثانيه اطول على هذا الحال ابغى اتحرك مقدر اقرى قل اعوذ برب الناس
الى ما اقوم وقلبي يزيد دقاته
وحده من اخواتي قالت لي صلي السنن صرت اصلي السنن والوتر
لكن برضو يجيني وانا نايمه
اتزوجت ولله الحمد مرة فتره مايجيني شي خصوصا لما زوجي يكون نايم معايا
لما يخرج واروح ابغى انام
يجي احد يمسكني ورجولي تترفع ويمسك اياديا ويعقدها واقعد فتره وانا على هذا الحال
الي خلاني ما اسكت على هذي الحاله
ان امس لما كنت نايمه صار لي نفس الشي
لكن الأمر الغريب اني حسيت اثنين يتكلمو كلام انا مافهمتو
بعدين واحد منهم ناداني بأسمي
وصحيت مفززووعه
انا من اول ما تزوجت وانا ابكي واعصب على زوجي بلا سبب وكنت كارهتو ومو طايقتو
لكن هو للحين ما يدري وللحين احيان احس اني احبو واحيان احس اني اكرهو
انا تعبت من هذا الحال واتمنى افادتي

تحياتي:اختكم