بسم الله الرحمن الرحيم
أنا لقيت الموضوع هذا بقوقل دورت على تجارب ناس مع الخوف والقلق ولقيت الموضوع هذا وسجلت بالمنتدى عشانه
الأعراض اللي في أخ أبو خالد نفسها فيني نفسها 100% حتى وقت تأزمها من بعد العصر الى الساعه 10 بالضبط نفس وقت التأزم عندي
وكل الأعراض اللي كتبها كلها ماعدا الحلم بالكوابيس كل الأعراض أحس فيها حاليا ومتعبتني مرره
وفعلا بدأت من أزمات خوف تراكمت علي ليين جاني هالقلق والخوف والأعراض هذي وقبل يومين شخصوا لي الألم في المعده بالالتهاب بالمهده والتهاب بالقولون
ازمات الخوف بدأت عندي قبل سنه :
كنت أسمع بقصص خطف الأطفال وانا لي طفلين هالشي سوى لي رعب بالاضافه الى صورة شفتها في منتدى عن طفل مخطوف ومفعول فيه ومدعوس بالسياره 00 الصوره هذي كانت لطفل بدوله أجنبيه 00 هالصوره ماراحت عن بالي أبداااا 00
وبعدها رحت للحج وتركت عيالي وهالشي خلاني في خوف شديد عليهم 00 بعدها واللي خلا الأزمه عندي على آآآآخرها الأزمه اللي صارت في غزة
كنت أتابع الأخبار وأتخيل اني معهم في الظلام وصوت الأطفال والصواريخ ولما اشوف قصصهم اتخيلها فيني
بعدها خلاااااص صرت أدور في البيت زي المجنونه و رحت لبيت أهلي كم يوم
صار الموضوع خوف وقلق ودقات قلب واكتئاب فضيع ماكان اي شي يفرحني لو يعطوني ملك الكون كلها
وبعدها بدأ الصداع وزعلله في العين ورجفات الأطراف وبروده في الجسم وغثيان وألم شديد في المعده وصرت كل ما آكل شي أطلعه
اليوم جربت سورة البقره ارتحت كثيير وصرت أقرأ على قلبي كل ماحسيت باكتئاب بدأ يجيني أقرأ الكرسي والمعوذتين والفاتحه 00000000 لاحظت ان خفقان القلب اللي كان يجيني ماجاء اليوم كله
ملاحظه : الحاله هذي بدأت بالتدريج من سنه وتأزمت من 6 شهور الى الآن000000
أقول للأخ أبو خالد انت بينت ان الحاله هذي مالها علاقه بالعين او السحر او غيره وكلها تراكمات خوف 0000 بس ما وضحت او بينت العلاج اللي مشيت عليه وخلاك تخف
ومشكور على توضيح حالتك وكتابتها للناس لأني فرحت جدا لما لقيت أحد بنفس أعراضي
أنا ان شاء الله بجرب العلاج بسورة البقره والقراءه وان شاء الله بعد اسبوع راح أكتب تجربتي
>>>>>>>>>>>>> واذا مرضت فهو يشفين<<<<<<<<<<<<