السلام عليكم و رحمة الله و بركاته
انا فتاة عمري 19 سنه متزوجه
مشكلتي لاختصار
لمن كنت بالابتدائى كنت اطلع الاولى على الصف كنت متحدثه و قرائتي مضبوطه حتى المدرسات كانوا يعتمدون علي بكل درس اني اقرا الموضوع او الدرس
المهم بالصف الخامس زادت شطارتي بشكل ملفت و قرائتي صارت احلى حتى مره قال لي المدرس لمن تقرين كانك مذيعه تقدم اخبار او برنامج مو كانك طفله بصف الخامس
اجت بعدها العطلة الصيفيه و ةرجعت للمدرسه بعدها و صرت بالصف السادس و نفس المدرسين بالصف
اخذنا درس قراءه يومها و المدرسه قالتلي قومي يا فلانه اقريلنا و من هنا بدت الماسااة كنت احاول ان اقرا لكن الكلام ما يطلع من فمي و التاتاه بدت عندي من يومها المدرسين في صدمه معقول هالطالبه يصير معاها هالحال
الحين بعد مرور 7 سنين او اكثر و انا على نفس الحال كل ما اريد اتكلم لازم اتاتا و تاتاه ملحوظه بشكل كبييير
تعبت من نظرات الناس لي تعبت دائما لازم ابقى ساكته تعبت من الاحراج و على فكره جربت ارقي نفسي علشان التاتاه و موضوع تاخر الحمل عندي لكن ما فيه اي نتيجه ساعدوني الله يجزاكم كل خيير