[مؤمنة بالله]

السلام عليكم ورحمة الله وبركاته والصلاة والسلام على اشرف المرسلين سيدنا محمد

انا فتاة عندى 18 سنة الحمد لله مسلمة وبصلى من حوالى سنتين فجاة كنت بذاكر وجاتلى فكرة ان استغفر الله ربنا مش موجود وكنت فى الفترة دى بحاول اتقرب لربنا المهم الفكرة تعبتنى جدا ولدرجة انى بعيط بصوت عالى من كتر الخنقة علشان الفكرة دى تروح من بالى بقة الوسوسة مسكانى على طول حتى فى نومى وبقيت ارجع الاكل اللى فى بطنى من كتر الخنقة وحسيت ان ايمانى راح منى ومش عارفة الاقيه فين بالرغم انى كنت قريبة من ربنا وحلمت بالرسول صلى الله عليه وسلم روحت لدكتور متدين نفسانى قالى انتى مصابة بالوسواس القهرى واخدت علاج ومفيش اى تحسن خالص وانا فى الفترة دى كنت بحلم احلام غريبة ان حد بيقبلنى فى المنام وحسة ان شهوتى زادت وبالذات لما اجى انام روحت لشيخ مع العلم انه استعان بجن مسلم بدا يقرا قران عليا حسيت ان قلبى بيدق جدا وحسيت بخنة وبدات انى اعيط بصوت عالى وارتعش وقعدت اقول انا كافرة انا كافرة وبعديها اقول يا رب يا رب بعد كدة الشيخ قالى فتحى عينك قالى انتى كان بيكى جنى طيار عاشق وكان بيعاشرك وبيحاول يلهيكى بالوسوسة المهم انى مرتحتش يا جماااااااااااااااااعة بالعكس تانى يوم بقيت اعيط عياط هستيرى يا ربى بجد تعبت ونفسى ارتاح وحلمت ان فى جنى جى بيقولى انا بحبك وعرفت اسمه حزان وضحكلى فى الحلم انا مبقتش انام لوحدى الفترة دى كمان انا روحت لشيخ تانى قرا قراية بس جماعية جة قرب منى سرخت فى وشه وقلتله اسكت كفاية وبعد كدة قالى جيبى مسك وزيت زيتون وادهنى بيه جسمك

يا جماعة انا عايزة اعرف انا اللى تعبنى دة جنى ولا وسواس قهرى اروح لدكتور تانى ولا لشيخ انا احترت وحسة انى ايامى بتروح وانا مش مؤمنة عايزة اطيع ربنا تعبتتتتتتتتتتتتتتتتت نفسى ارجع تانى زى ما كنت ريحونى بالله عليكم ارشدونى للحق نفسى ارتاح والسلام عليكم ورحمة الله ولكم جزيل الشكر