السلام عليكم..
والله هذي أول مشاركه لي في هذا المنتدى الرائع وسبب مشاركتي هو حاجتي الشديده لمساعدتكم لي وعشان أعرف كيف و شو هو التصرف اللي لازم اتصرف به في مثل حالتي النفسيه اللي والحمدلله تعباااااااانه وايد.
من شهرين توفت عمة زوجي فجأه وفي نفس اليوم رحت العزا بس ما توقعت اني بتأثر وايد لأني ماكنت أعرفها وايد أو أقعد معاها وايد, بس وأنا يالسه في العزا تقريبا قبل صلاة المغرب بدقايق حسيت أن الدنيا اسودت وأنه بيغمى علي وحسيت ان ريولي ترتجف وأني مخنوقه وقمت وطلعت من الغرفه وأنا ماشيه حسيت ان لساني تخدر وكانه حد عطاني ابرة بنج على لساني وحسيت لحظتها بخوف فضييييييع وقلت في نفسي اني بموت ألحين, بس خذوني لبيتي وجابولي شيخ يقرا علي وهديت الحمدلله, بس من يومها وأنا اعاني من اكتئاااااااب حاااااااد وخوف فضييييييع وحزن شديد وتصيبني نوبات هلع وأحس بخوف فضيع وأحاتي عيالي ونفسي وأهلي وأحس بالذنب وخوف شديد متواصل من الموت وأحس أني مالي خاطر أمارس هوايتي اللي هي تصميم الأزياء وصرت أخاف من الوحده وحتى اذا بنام لازم أشغل التلفزيون عشان أشوف الناس وأحس اني مش وحيده واذا زوجي راح الدوام أخلي باب الحجره مفتوح مع انه عيالي معي بالغرفه واهلي بالغرف المجاوره, بس للعلم انا من صغري خوافه بس هالشي أول مره يصير لي، ورحت البارحه المستشفى وشرحت للدكتوره حالتي وقالت لي هذي حالة اكتئاب و وصفت لي دوا بس خفت آخذه وفي المستقبل أدمن عليه، وبعد لأني أبغي أعرف أذا حالتي هذي أقدر أعالجها بالرقيه وقراءة القرآن بس أو لازم آخذ الدوا بعد, والله محتاااااره وما أعرف شو لازم أسوي، دخييييييلكم جاوبوني والله أنا تعبانه وايد