[رانيا الإبراهيم]

بسم الله الرحمن الرحيم
الله يشفيك اخوي 27رمضان وان شاء الله كفاره لكل الذنوب
انا مثلك اعاني من الوسواس ومن زمان كمان بس كأني فهمت من كلامك انك تشك انك مسحور وخادم السحر هو اللي مسوي لك الوسواس ؟؟
انا مرررره ما انصحك بالعلاج بالكهرباء ربي كريم ورحيم وقادر انه يشفيك من غير الكهرباء لان قريبتي اتعالجت بالكهرباء على يد مشايخ بحق الناموس وما فادها غير انو نفسيتها ادمرة اكثر واكثر ولمن راحت لطب النفسي كمان جلسات الكهرباء عشان تنسى العذاب اللي شافته من فادها شي لانها كانت تصحى من البنج ناسيه حتى كم عدد اهل بيتها الله المستعان بس
انا راح اقولك على شي مجربته مع امي
امي كانت عندها نزيف بالرحم لمدة 3 سنوات وعايشه الى الادويه لمن بدأت رحلتي انا وامي مع الشيوخ هلم مجره كل واحد وايش تشخيصه بس لامي كان الغالب والله اعلم انه سحر في الرحم وخصوصا بعد ما كان تشخيص الاطباء على انه ورم والعياذ بالله
المهم بدأنا الرقيه بالبيت وقررنا انوا يوميا نقرأ سورة البقره كامله وقعده وحده يعني مش شويا وبعدين نكمل ونجاهد نفسنا في الموضوع لمن المسأله في البدايه شاقه
لمدة شهر واذا تحب خليها عاده لك طول حياتك
المهم والحمد لله وحده مررره وامي تقرأ جاتها مغصه شديده شديده والله يكرمك ريح واكرمكم الله اسهال شديد لمدة ثلاث ايام وبرضوا كنا مستمرين على الرقيه والسورة البقره
والحمدلله وحده ربي عالم قدايش امي تعبت وعانت ومع كثرة الدعاء امي الحين ماشاء الله تبارك الله طيبه والنزيف وقف ولله الحمد من غير ادويه بالرغم انه كان خلاص مقرر ليها ملية بعد العيد استئصال للرحم ،،،،،
اخي 27 رمضان ربي يشفيك ويشفي كل مبتلى وذا انتي تشك انك مسحور او اي سبب كان وكل امرك لله واقرأ سورة البقره كل يوم في ثلت الليل شوف اخر شيخ كان عندنا في البيت يحكي قصة ناس كان يعالجهم انه نصحهم بقراءة سورة البقره في ثلث الليل في الركعه الواحده والركعه التانيه كمان يقرأو سورة البقره انهم يحلفوا ليه انهم صاروا يشوفوا كلاب وبسس كرمكم الله سود تخرج من باب بيتهم
اتمنى اكون افدتك ولاني امنة من تجربة امي بفضل سورة البقره حبيت اني اساعد فيها كل مبتلى
الله يعافيك ويشفيك ويشفى كل مريض وفرج هم كل مسلم ومسلمه