[الوسمي]

السلام عليكم ياخي العزيز

انا عندي وسواس قهري منذو فتره طويله بدات معي في الصلاة ثم بدت معي على الموت وبعدها صرت اتضايق وصابتني عين وعالجت والحمدالله سلمت من العين بفضل الله سبحانه
ثم بدت معي الوسواس الي قطع قلبي لا نوم انامه ولا رحه ومخفيه عن الناس كلهم
المشلكه اوسوس في كل شي اي شي يطري على بالي اوسوس فيه
لدرجة الناس تلحظه فيني بس ساكت
والان ادرس في الخارج وسوسة وسوسه غير طبيعيه
صرت اخاف من الرسوب في الدراسه واهتم
اهتمام غير طبيعي لدرجة اني اذاكر 8 ساعات وفي الاخير انسى
اشوف الناس ماتذاكر ولا شي ويجاوبون في الكلاس وانا اناظر فيهم ثم اموت قهر
حتى بعض المرات يسالوني واناظر فيها ثم مادري وش اقول تروح عني المعلوه والمشكله اعرف واذاكر واحفظ بس اذا دخلت الكلاس راح الي في راسي
واناظر الناس واحس اني اغباء واحد في الكلاس
وبعض المرات اسولف واضحك محد قدي واتحداء
ثم ينقلب الموازين الا مافي راسي شي
وعلى هذا الموال ارجع للبيت اوذاكر واهتم واسوي كل شي شي
واضيع واوسوس واحس اني غبي مررره
مادري ياشيخ هل اهو عين ولا شنو
والله ياشيخ اني كل يوم اقراء قران ولا اذاكر الا وانا مشغل السديس ولا خالد القحطاني
وتعبت ياشيخ اتمنى تفيدني واتقولي وش اسوي
باسرع وقت ممكن
عسى الله يوفقك ويرزقك ويسر امرك
اخوك الوسمي