انا كنت اشرب الخمر وصحيت في يوم من الايام والجميع يقول لي انه صار لي حادث ثم ؟؟؟
 

السلام عليكم

انا سالفتي سالفة يا أخوان انا كنت اشرب الخمر وصحيت في يوم من الايام والجميع يقول لي انه صار لي حادث وطحت من الكبري اللي بطريق الملك فهد والوالدة تقول اني كنت سكران وصحيح رجلي كانت توجعني وماقدر امشي عليها بشكل سليم زي قبل وراسي فيه علامة جرح من فوق ولما سألت الوالدة تقول انت دخلت غيبوبة لمدة ثلاث ايام وبقيت تحت تأثير الفتق اللي يجي في الراس لمدة شهر و20 يوم واللحين ياجماعة من يوم ماصحيت قبل 3 أشهر والأجواء متغيرة وبيتنا كل الذكريات اللي فيه من يوم يوم ما صحيت بس وقَعَدت في البيت لثالث يوم في العيد ومعاد صرت أتحمل بيتنا ورحت عن خوالي ليومكم ذا المشكلة اللحين ان الدنيا متغيرة علي حتى الطرق والمحلات رغم اني كنت في اوبر واعرف الرياض وقبل كم يوم امي تقول لي ان في مداوية تقول ان حادث بسبب ان الجن صفقك مع وجهك يومك كنت سكران المهم واخذ لي رقم شيخ مصري وأكلمه ويجيني اول يوم يقول لخالي ولأمي ان فيني مس بس ماهو متمكن رغم اني ماحس بشيء ومافيني مس ولا شيء ويقرأ علي وثالث يوم انتفخت عيني وجاني زي الدمل في عيني وانا قبل يجيني الدمل بين فترة وفترة المهم وقبل كم يوم ونسوي لي حجامة وبعدها بيوم أحاسيسي نفس ماهي واسأل الشيخ يقول ماتت قلت بس انا احس نفسي ما انا يقول لا أثار وكانت مدة القراءة اسبوع المهم السالفة ذي قبل كم يوم المختصر اللحين اني كاره الدنيا وكل مافيها حتى ابوي وامي معاد ودي أتواصل مع احد والمشكلة انه يوم يقرأ علي عادي جدا مافيني اي شيء المهم ادري طولت عليكم ولكن أعذروني الدنيا متعبتني حييييييل في هاذي الفترة تعبان بشكل ماتتصورونه المختصر اني اللي فيني :
1. الاجواء متغيرة علي بشكل ماتتصورونه من يوم صحيت الى اليوم
2. الذكريات ماهيب واضحة وفيه ذكريات ماادري وشهي بالضبط اتذكر ان في رأسي ذكرى بس ماادري عن ايش ووين صارت
3.استغفر الله مااؤمن بوجود الله
4.ولا اؤمن بوجود الجن المتلبسين

اخر شيء بسأل عنه يااخوان هل فيه واحد برغم اللي موجود فيه اثناء الرقية مايحس بأعراض نهائيا ؟