محاورة شعرية الكفو يرد👌
 

ياسلامي على الاعضاء والمتواجدين🙋
سلام معطر بالطيب للي هو يستاهله✋
المطوع شيخ يرقى عن الحسد والعين 👀
والعفاريت تسكن في كل بيت وعايله،🏠
ابنشد اللي عنده خبره بالرقية سنين 🙏
وش علامات المصاب من غير لاتسايله🤔
وابنشد اللي يشتكي من أذى الشياطين 💔
وش هي أبرز إشارات الجن ودلايله👐
وابنشد الزوار وكل الاعضاء والمشرفينℹ️
من فيكم اللي يشوف الجن ويخايله؟

،🤚🤚🤚
تعديل اخر بيت ✍️✍️✍️✍️🙏🙏🙏

تم التعديل أخي الفاضل المفادي
وبارك الله فيك وأحسن إليك

حي الجواب اللي ماعليه مشاركين
حير أهل العقول في معاني رسايله
كثروا علينا أهل العمايم المنافقين
واستغلوا ضعفنا بالرقى ووسايله
مافادنا رقياتهم ولاعرفنا الحاسدين
الرقى صارت تجارة بالزيوت السايله
ماعاد للرقية اثر عليناولا متأثرين
واكثروا اللي بالرقى يجلبون العايله
وان كان تسأل عن علامة بالنظر ماتبين
افطن وش إللي يشربه ولا يحب ياكله
ودلايل الجن واضحة في سحر العاشقين
ريحة كريهه بالصدر معقودها غايله
و تنشد عن اللي تظهر له الجن وتبين
كل شخص مايورد الردى في نثايله

سلمت يالامير وسلم تعديلك اخوووي رشيد

انشهد انك معدل كل مائل وتلطم كل عائل
،💐💐💐💐💐

يارشيد التلمساني وأنت سيد العارفين
ليه الرجال الطيبين حظوظهم مايله
وابسالك يارشيد دام حنا ضايقين
وش علاج الحزن بصدري وانا شايله
تعبت من الليل الطويل اهات ودموع عين
ياعرب من يحتويني ما انسى له جمايله
واخر كلامي يارشيد حنا ترانا ضايعين
تعبت أمشي والدروب تعسرت منايله

عليك بالإكثار من الاستغفار لقول الرسول عليه الصلاة والسلام: "من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب"
وعليك بالإكثار من قول حسبي الله ونعم الوكيل لقوله تعالى: ( الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل فانقلبوا بنعمة من الله وفضل لم يمسسهم سوء واتبعوا رضوان الله والله ذو فضل عظيم )
وعليك بالإكثار من من ذكر الله عز وجل لقوله تعالى: ( ألا بذكر الله تطمئن القلوب )
أسأل الله تعالى أن يلبسك لباس الصحة والعافية وأن يذهب عنك الهم والضيق والحزن

الله يجزاك خير على الكلام الطيب
والله يرفع من قدرك ويعلو من شأنك
..
أخوي رشيد التلمساني ماسر انجذاب النفس
وراحتها لشخصك الكريم؟؟
احس بطاقة إيجابية بردودك ومواضيعك التي
بالمنتدى...
والله كنت قد الغي عضويتي بهذا المنتدى
ولكن احببته وبقيت فيه بسببك
لا تسألني لماذا.. لأني لا اعلم ولكن
الطاقات التي لديك تجعلنا نحبك...

اغلب الاعضاء والمشرفين إللي مسجلين
مايدخلون إلا مع الضحى أو بالقايله
كلها شيبان مايحبون دخول الزائرين
بعضهم ميت والبعض تنقص سوايله
العام أهل اللحى صاروا اليوم محلقين
والشيوخ أهل البشوت عقلهم مايله
مالي مكان بينكم وانتم دائم غايبين
تعبت وانا بينكم ثقيل الحمل شايله
وداعة الله يارشيد ياصفوة المشرفين
احذفوني واحذفوا مع اسمي رسايله
وصلوا على نبينا محمد ألحق الامين
و الصلاة والسلام عليه وعلى سلايله