|
السلام عليكم أخي صقر الشرقية ..
قرأت في احدى مشاركاتك انك تتناول الحليب ,, حبيت انصحك بالابتعاد عن الحليب لأن الحليب يحتوي على الدسم وهو مهيج للقولون انا مجربه هذا شخصيآ ,, بس حبيت انوه ع هذه النقطه والله يشفي الجميع .. |
اي بالفعل اختي كلامك صحيح
انا مره تناولت حليب ابيض بزنجبيل ومره ارتحت عليه رغم انه هيج لي القولون وبعدها استاننست عليه لأنه طرد لي غازات ويوم شربت كم يوم كذا بدأ يتهيج مع القولون ويحصل معي كسل وخمول وحالة مثل الإكتئاب وثقيل بعدها تركتهـ وشوي شوي رجعت حالتي كما هيا يارّب نفتك منه نهائياً نبي ترجع ايامنا الحلو السعادة الي تغمر القلب وانشراح الصدّر لا حول ولا قوة الا بالله العلي العظيم ... |
أف أف أف بدايت دراستي وغبت السبت والأحد من الوسواس وشويت انتفاخ وللتو تحسنت شوي لمن استخدمت خلطة اعشابي ^.^" ما زلت تعبان شوي المهم يا اخوان جبت شيء جديد اجربه لعله يفيد القولون ويقولون هو مفيِّد للقولون عصير عجيب غريب من أقوى فواكه العالم مستحوذ من فاكهة اسمها فاكهة الآساي عصيّر الآساي أقوى فاكهة بالعالم وشفت في لقاء انه في شخص مصاب بالسكر بعد استخدام هذا العصير بعد كم اسبوع استقر السكر وما احتاج ادويه اصلاً وبعد شهر استقر وضعه كثير ما ادري اذا تشفى شفاء تام او لا وثاني طلع لهم ويقول قصته انه مصاب بضغط وقولون عصبي يقول كنت اتوحش على اهلي احياناً بعد تجربت هذا العصير خفيت كثير كثير من القولون وبعد شهر تركته ورجع لي شوي ورجعت استخدمته وراح عني القولون بس برضو مدري اذا تشافى من القولون شفاء تام او لا والشفاء بيد الله والي نبذله اسباب تساعد على الشفاء ويكتب فيها ربي الشفاء ايضاً خالتي استخدمته انخفض عندها الكرسترول وخف وزنها ولها الآن 5 شهور واهيا تستخدمهـ عصير طبيعي فوائدها جداً جداً كبيره اذا حصلت فوائدها راح ابلغكم :icon_razz: ساعد الله الجميع يا اخوان موفقيِّن |
السلام عليكم...انا قد كتبت تجربتي الشي الجديد اللي صار اني سويت منظار قولون كثير كنت اسمع انو الشخص حتى يشخص بالقولون العصبي لازم يعمل تنظير وبعد مايتاكدون ان القولون سليم ..يشخص المريض بالقولون العصبي
ولان المنظار مساله متعبه نفسيا والكثير منا يتجنبها فكنت احاول ما افكر بالموضوع مع العلم اني بعد ما اصبت باعراض القولون العصبي بثلاث سنين تقريبا مااذكر بالضبط صرت الاحظ وجود بقع من الدم في البراز (وانتو بالكرامه) ايام وايام لا...وهالشي الاساسي اللي خلاني افكر بالمنظار وفعلا سويت المنظار قبل 3 اسابيع...واخذو عينات من القولون..قالي الدكتور ع الاغلب عندك التهاب القولون التقرحي...قلت له بالاضافه للقولون العصبي..قال لي مريض القولون العصبي يكون قولونه سليم....وانتي كل الاعراض اللي عندك سببها على مايبدولي انه التهاب بالقولون... رحت قبل كم من يوم حتى اشوف نتيجة العينات خبروني انه لسا..ارسلوها متاخر(اهماااااااااااااااااااااال) المهم الدكتور بغى يوصفلي دوا بس انا اصريت بعد ما تطلع نتيجة العينات الزبده اني مريت على اكثر من دكتور وكلهم نفس الكلام قولون عصبي...والمنظار كان هو الفاصل بحالتي..الحمد الله ع كل شي...ودمتم سالمين من كل شر يارب |
اقتباس:
لاحول ولا قوة الا بالله العلي العظيم دمْ بالبراز الله يعينك يا اختي ما اعتقد الي معك قولون عصبي اذا طلع معكِ سبب انا عملت سونار قبل سنة وبعد اصابتي بلأعراض بسنة ونص عملت هذا السونار سبب التآخير مرة اخف ومره اتعب ما ادري اني اذا اكلت المهيجات اتعب واذا ما اكلت خفيت وماهو معنى خفيت مافيه معاناه اله فيه لكن خفيفه ممكن يتحملها الشخص نوعاً ما وطبعاً بعد السونار ما قال شيء سوى القولون تعبان عندك عطاني دواء ولا سوى شيء ابداً احسن شيء الأعشاب الي تريحني لولها والله علوم يمكن انعزلت عن الآخرين وضعفت لأني كنت اتخوف من الأكل بسبب الأنتفاخ والأعراض النفسيه شوفي اختي ايش اعراضكـ مثلاً انا اعراضي غازات - احياناً انتفاخ - عصبيه - وسوسه - ضربات قلب - ضيق صدر او شيء يسمك بصدري بحسب الأكل وكثرته وقلتهـ ارهاق وتعب وطفش شديد يوصل احياناً للأكتئاب وانتظري النتيجه افضل لك مهمه وبعدها يقرر الدكتور بالدواء الي ان شاء الله يساعدكـ شافاكـِ الله وعافيكـ وشافا جميع المسلمين |
:icon_rolleyes:السلام عليكم ورحمة اللة بركاتة انا لي ميقارب ثمانية شهور وناعاني من الام في بطني شديدة ولاتحتمل رحة لعدة مستشفيات وسويت تحاليل وشعة تلفزونية ومنظار قلون 30 سنتةوهذا وقالوسليم ماعندك شى ونا الى الان اعان ولاكن نحمدالله خف الاسبوع هذا شيئا ما ومادري الى الان هل هذا قولون زي ماقلتم ولاكم كل تقديري واحترامي:icon_razz:
|
اقتباس:
وعليكم السلام ورحمة الله وبركاته ياهلا فيك اخوي اذا كانت تصاحب الالام تبرز او اسهال وتشعر او انك تشعر بغازات وانتفاخ في البطن تحس بطنك مليان هذا هو القولون العصبي وله بعد اعراض ثانيه ومنها نفسيه اما اذا كان الي تعاني منه بس الم من دون اعراض ثانيه مثل الي ذكرتها ممكن يكون الم عرضي له سبب معين |
أسأل الله تعالى أن يشفيكم ويكتب لكم الأجر والثواب
وفقكم الله |
نعم احس ان نفسيتى تعبانة والله قريت مواضيعكم عرفت ان الي عندى قيلون الله يشفينى من هذااادا الي سببلنا عزلة عن الناس وقطعنا الاصحاب وهذا وتمنى لكم الشفاء ابجادالعلاج المناسب
|
رساله للجميع يا اخوان كل مصاب بالقولون يعرف معانت الثانيه على الأقل يعرف شيء من معانته الملموسه والمجربه من نفس الشخص وهذا الموضوع للمواسه والفائده للمصابين بهذا المرض انا يوم جيت اتذكر حياتي من قبل حسيت اني كامل الأوصاف ذكي - فطن - جريئ جداً - مهما بلغت الأمور و المشاكل كنت اخذها بشكل سهل مره ما تتصورون كيف واقلبها نكتهـ حتى اتذكر اني مغير جو الأصحابـ - شجاع - واثق من نفسي كثير ومتوكل على الله كثير يعني حياتي مافي احلى منها وطمُحاتي كبيره ونظرة للحياة مره حلوه بس في شيء كان مسلك لي جميع هذه الأمور كنت متعلق بربي كثير الصلاة عندي عالم ثاني والقرآن ايضاً ويوم جيت افكر في السنة الي قبل ما يجيني فيها القولون العصبي كان فيني اهمال بسيط و نوع من ادمان النت والعمل الكثير عليه واعتقد هذا الشيء سبب لي نوع من العزله وتغير في الطباع والأفكار قليلاً ليس كثيراً ومن بعدها بدأ التعب والبطن واعراض القولون وطبعاً اول مره جاني يوم كنت ماكل من مطعم جاني مقص شديد وبعدها بدأت المعاناه المهم يا اخوان احنا ما نبي ننظر لفلان ماهو قريب من ربه وعايش حياه حلوه هذا ممكن الظاهر والله اعلم بالباطن ويمكن يكون هو كذلكـ لكن الله سبحانهـ يريد حياته كذا فعلينا تسيير حياتنا وفق مرضات الله سبحانه ونتقرب منه ونضع الأمل قدام اعيُنينا ونعمل بالي نقدر عليه في حياتنا ودائماً في بالنا ان الله معنا موجود ماهما اصابنا فا الله معنا والله ما راح نخشى اشد الأمراض وقتها رغم اعراضها انا مجرب ذلك صحيح يكون في معناه لكن يكون في رضى ودائماً احس الشفاء قريب وانا احس بهذا الشعور اقدم للحياة ولله الحمد ونستخدم بلأسباب الي تساعد القولون على الأسترخاء والشفاء ولو كان مؤقتاً لو عملنا بذلك راح نجد الخير ان شاء الله الكثير قدامـ سمعت قصة احد المشايخ القدامى المعروفين اصاب بسرطان ومنوم في المستشفى البسمه ما توقف كل يوم لأنه عارف ان هذه الحياة ليست الحياة الأخيره بل في حياة احلى منها في الآخره فيوم نتعب ويوم نعيش ما نبي كل يوم نتعب ولا نقدم شيء نعيش بالباقي ولربما نتشفى يوماً وانا عندي والله امل كبير حتى انه ماهو من الأمراض الي يحدث الوفات لسمح اللهـ والله ولي الموفقين |
| الساعة الآن 06:07 PM |
Powered by vBulletin® Copyright ©2000 - 2025, Jelsoft Enterprises Ltd.
By Media Gate - https://mediagatejo.com