عندي خادمه في البدايه ماتبي الرجال ولها تصرفات غريبة عجيبة وهذه هي القصة ؟؟؟

[fajer]

السلام عليكم ورحمة الله وبركاته

عندي خادمه في البدايه ماتبي الرجال وتخنفر اذا شافتهم وماتشتغل بمكان فيه رجال
انا بعادتي ارحمهم واذا تقضيت اي شيء اقسم لهم دايم اعطيها ولو شي قليل , اعطيها واحسن تعاملها عكس البيت وشكلها تحسب اني احبها او اتودد لها وانا لااحبيتها ولاكرهتها
المهم صارت تجي تفتح باب غرفتي وتجلس عندي ,الغرفه كبيره هي تلزق فيني لزق ولا تتسدح وتجلس تلطخني بيدينها وهي تتقلب تلمسني ومره استفسر من امي ومتركيه عالجدار قالت تعالي معي اوريك وتحط ايدها على كفي تمسحني بعدين نزلت يدها وخبطت فيني من تحت عند خصري(مدري فيني ضعف او بطء استيعاب اتاخر اني اواجهها واحذرها بوقتها
ومره حرقت ملابس طلبتني اساعدها قلت شوي وبجي ارجع الاهي جالسه ورافعه القميص لنص الفخذوتراقبني لافه علي تشوف وش اقول! كل الرجال بالبيت اول ماشافوها مارتاحو لها قالو والله انها حقت مصايب ماتطمن ,كرهتها بعد تصرفاتها ماعاد اطيقها شكيت لامي ماسوت شيء تحاول تبسط الموضوع صرت مااتحملهااذا كنت بالمطبخ او بمكان وجت اوقف وانتظر تخلص حاجتها وتروح ,اول تجي تلصق فيني وتدقدقني ماتحترم ولاتخاف ولاتحط مسافه حتى ماعاد اقدر اطالع بوجهها ,دايم تلعب بالمويه لعب بالتنظيف المويه تصب لوقت طويل مهما نبهناها ,واليوم اصلي والمويه تصب تصب تصب حول نص ساعه انزعجت وضايقتني ماعرفت اصلي سلمت بسرعه وفتحت الباب اقولها قفلي المويه خلاص لقيتها عند البلاعه الي يتجمع فيها الشعر مجمعه الشعر بمشبك وتكب سطول المويه عليه تغسله!!! يعني اذا بتنظفه عشان تاخذه كذا بيبطل الاثر اظن؟ يوم شافتني مدري حطته بالزباله او احتفظت فيه بس ماشفتها راحت للزباله الايوم طلعت كل الاغراض يوم قلت لها المويه قفلتها وطلعت من الحمام يدل انها كانت مخلصه من التنيف وكل هالمويه على ايش ؟
ونفس الشيء شكيت لامي تقول لي اصلا مانفعها الشعر بعد الغسل ,مستهونه فيني مرره واذا اشتكيت لها يعني حابتها ومحتفظه فيها هي قالتها من اول ماجت قالت ذي ماتحب الرجال مارح اخليها تروح هذي احسن وحده

مع العلم انه شغالات كثير محترمات كانو على اشياء تااافهه جدا يطردونهم

مدري كيف مااخلي لي اثر كيف اتقي شرها لاني احس فيها تبي تسوي لي شيء لان صرت اقفل باب غرفتي عشان ماعاد تجي واذا تكلمت معي اتكلم معها بكره وصوت خشن عالي

[fajer]

العامله انتهى عملها من يومين , صحيت اليوم لقيت فوق الكوع جلطتين وتوجع مع الضغط ,تذكرت اني اول ماصحيت لقيت البجامه مفتوحه كل ازرار البلوزه مفكوكه
اوقات يرتفع القميص (وموخرا اكثر من قبل,واوقات اقوم اتوجع من جسمي او مناطق معينه مثل الاطراف بعض الاحيان بشكل يومي بس اول مره يصير معي مثل هالموقف كل ازرار البجامه انفكت وجلطه باليد
بالعاده اعرف ان فيه اشياء في البيت او احس ,خصوصا لومافي البيت احد او فيه انا وكم شخص صغير او كبير بالسن (مقعد
بالخيال او احس احد يمشي وراي من الخوف والقلق او بعض الاصوات الي تناديني __قبل سنواات
لكن نادر والسنتين الاخيره بدت تظهر الاصوات بشكل اجرا من قبل قبل تروح العامله انا بالمطبخ وطاح صحن من الحوض الى نص المطبخ خفت رجعته قلت ممكن هي حاطته عالطرف ,بعد ثواني صار فيه صوت للملاعق الي مع المواعين ,عرفت وقتها
خفت وتوترت لدرجة كنت ماابي اتكلم معاها وقاطعتها لكن ماكان فيه الا انا وهي وطفل وكبيره بالسن قلت لها ,ابتسمت قالت بس كذا مدري قصدها تخفف عني او شيء ثاني(هي دايم تبتسم لما تتكلم معي او البنات

[أبو البراء]

،،،،،،

بارك الله فيكم أختي الفاضلة ( مجرد ) ، كل ما ذكر عن هذه الخادمة يشكك في اخلاقها وكذلك الخوف من انها قد تمارس السحر ان لم هناك خلل في قواها العقلية ، ولذلك أنصحكم اختي الفاضلة بالتخلص منها في اقرب فرصة ممكنة دون الاساءة اليها بشيء ، والله اعلم 0

وكوني معنا على تواصل عبر صفحات المنتدى لمتابعة حالتكم الكريمة ، وأدعو لكم فأقول :

( أسأل الله العظيم رب العرش العظيم أن يشفيك )
( أسأل الله العظيم رب العرش العظيم أن يشفيك )
( أسأل الله العظيم رب العرش العظيم أن يشفيك )

( بسم الله ... بسم الله ... بسم الله ... )
( أعيذكِ بعزة الله وقدرته من شر ما تجد وتحاذر )
( أعيذكِ بعزة الله وقدرته من شر ما تجد وتحاذر )
( أعيذكِ بعزة الله وقدرته من شر ما تجد وتحاذر )

بارك الله فيكم أخيتي الفاضلة ( مجرد ) ، وزادكم الله من فضله ومنه وكرمه ، مع تمنياتي لكم بالصحة والسلامة والعافية :

أخوكم / أبو البراء أسامة بن ياسين المعاني 0